Headlines News :
Home » , , , , » La Sama: “Matenek La’os Hit Pasta La’o Ba Mai Buka Servisu”

La Sama: “Matenek La’os Hit Pasta La’o Ba Mai Buka Servisu”

Written By Timor News Online on 11/24/2014 | 1:34 AM



Vise Primeiru Ministru Fernando ‘La Sama’ de Araújo hateten katak, ema matenek la’os atu hit pasta la’o tu’un sa’e hodi buka servisu, maibé atu halo servisu.
“Matenek ne’e laos atu buka servisu, maibé matenek atu halo servisu. Matenek ne’e atu hamosu servisu, la’os matenek hit pasta ba mai atu buka servisu,”hateten La Sama ba Jornalista sira iha Palácio Governu, Sesta feira (22/11), relasiona ho estudante universidade sira ne’ebé dadauk ne’e remata ona sira nia estudu no hetan ona graduasaun.
Nia hatutan katak, kuandu matenek tiha maka hit pasta la’o tun sa’e hodi buka servisu ida ne’e laos matenek ona.
Tanba ne’e, La Sama enkoraza finalistas ne’ebé halo ona graduasaun, atu labele hein deit ema atu hamosu kampu de traballu ba sira, maibé tenki buka atu hamosu kampu de traballu ba ema seluk.
La Sama hatutan katak, Governu seidauk hanoin atu tau orsamentu hodi buka dalan ba estudante sira ne’ebé maka hetan ona graduasaun ne’e. Tanba sei iha problema barak, relasiona ho povu nia moris atu Governu rezolve.
“Orsamentu ne’e atu hadia estrada, hadia eskola sira ne’ebé maka aat, ponte no halo natar,”katak La Sama.
Nia haktuir, problema ida mak ne’e, kuandu matenek tiha, lakohi atu foer ona iha natar no to’os, hot-hotu hakarak servisu iha kantor.
Tanba La Sama esplika, kuandu hetan ona diploma ne’e, seidauk intelektual. Intelektual ne’e buat ketak ida katak, atu hamosu buat ida ne’ebé foun.
“Intelektual ne’e ema sira ne’ebé maka iha hanoin foun ruma. Ida ne’e signifika katak, matenek ne’e atu hamosu kampu de Trabalhu, laos ema atu hamosu fali kampu de trabalhu ba matenek sira la’e,”afirma La Sama.tap
Source: Diairu JN
Share on :

1 comment:

  1. SR. Lasama nia.lifuan ne motiva tebes maibe ladauk bele dehan los tamba realidade nebe iha ne mosu oinsleluk. Graduadu sira tuir lolos bele hetan servicu iha area studo, potensial ba atu cria servicu ha timor ne kiik tebes ba graduado sira. Razaun suluk nebe halo.sira tara pasta buka servisu maka servisu nebe tuir lolos sira nian ne oferece tiha ona ba ema seluk nebe ho studu nivel secundario deit. Maibe hanesan graduadu nebe matenek iha teoria no practica, cria campu servicu nian ne hanesan exemplu nebe diak tebes ba graduadu sira seluk. Iha mos buat balun nebe sr. Lasama.dehan kona ba utilizacao osan governo, se bele karik osan sira ne utiliza tuir nescesidade nebe mak iha, no efficiente. Tamba planu sira be hadia estrada, uma skola nebe mak at, no seluk tan ne mesak furak deit maibe ninia rezultado ladauk maximu. Koko hadia liu tan.
    Abraço

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template