Headlines News :
Home » , , , » Loron 2 Novembru Salva Matebian Sira Iha Prugatoriu

Loron 2 Novembru Salva Matebian Sira Iha Prugatoriu

Written By Timor News Online on 11/03/2014 | 8:12 PM



Selebrasaun misa iha loron 2 Novembru nudar momentu ida ne’ebe familia ida-idak halo orasaun ba matebian sira ne’ebe sei terus iha ahi prugatoriu hodi salva sira nian klamar ba Lalehan.
Tuir santa igreja katolika, kreda iha tolu mak, “Kreda ita ne’ebe sei moris, kreda santo no santa sira no kreda klamar sira ne’ebe sei terus iha ahi purgatoriu. Kreda ita sira ne’ebe sei moris ne’e diak, tanba ita sei bele reza no sei iha isin, maibe kreda klamar sira iha purgatoriu, sira labele reza ona, sira depende deit ita sira ne’ebe moris nia orasaun hodi bele salva sira.”
“Ita lahatene ita nia matebian sira iha ne’ebe, iha lalehan ka prugatoriu ka infernu. Tanba ne’e ho misa no orasaun ne’ebe ita hasae ita bele salva sira nia klamar liu-liu sira ne’ebe sei terus iha ahi purgatoriu hodi hakbesik sira ba Aman Maromak,” esplika padre Robertos Vontong iha nia homilia iha selebrasaun misa de funtos, Domingo (2/11) iha igreja São José Aimutin, Comoro.
Nia kontinua, se hadomi tebes familia entaun ema ida-idak tenki reza ba sira hahú husi loron 2 to’o 8 fulan ne’e. Ho ida ne’e sira sei bele hetan indulzensia nakonu, maibe kuandu laiha mak sira sei hetan indulzensia sorin deit.
“Konserteza bainhira ita nia familia ruma mate senti triste, maibe ho triste deit labele muda buat ida ba nia moris rohan laek, maibe tenki ho reza hodi husu tulun ba Aman Maromak nune’e bele hasai sira husi fatin Purgatoriu,”dehan Padre Robertos.
Padre Robertos haktuir katak, loron 2 Novembru sai nu’udar loron matebian, tanba matebian mak husu rasik liu husi santa Faustina.
“Santa Faustina kalan loron toba ladiak, basá matebian sira sempre mosu hela deit ba nia, entaun santa Faustina komesa husu, tanba saida mak imi mai hela deit hodi halo ha’u toba la dukur?. Matebian sira hatan ‘ami husu ba santa Faustina atu ba fo hatene amu lulik sira iha Igreja atu halo misa ba ami matebian sira’. Santa Faustina mos ba fo hatene kedas amu lulik hodi halo kedas misa, nune’e to’o ohin loron igreja katolika hili loron 2 Novembru ida ne’e sai hanesan loron ba matebian sira atu ita hotu halo misa no reza ba matebian sira ne’ebe hein hela ita nia tulun iha Purgatoriu,”dehan Padre Robertos.
Tantu iha loron 1 Novembru igreja kalotika mos selebra santo no santa sira, husi selebrasaun ne’e mak hamosu selebrasaun misa ba matebian sira.
Tuir observasaun JN-Diário iha igreja Paroquia São José Aimutin, katak, iha selebrasaun misa de funtos hetan partisipasaun maximu husi sarani katolika ne’ebe petense ba paroquia refere.Ina
Source: Diairu JN

Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template