Headlines News :
Home » , , , , , , , , » Lu- Olo : ‘Ne’e Desizaun PM’ Orgaun Soberanu Proteje Ho Imunidade

Lu- Olo : ‘Ne’e Desizaun PM’ Orgaun Soberanu Proteje Ho Imunidade

Written By Timor News Online on 11/24/2014 | 9:07 PM



Prezidenti Partidu FRETILIN Francisco Guterres ‘Lu-Olo’ heteten katak, prezensa Primeiru Ministru, Xanana iha Tribunal Distrital Dili (TDD,) hodi entrega dokumentu ba tribunal, ne’e desizaun Primeiru Ministru nian.
“Primeiru Ministru hola dalan para atu aprezenta ba iha tribunal ne’e prontu dalan Primeiru Ministru mak hili, hili dalan ne’e rasik hodi ba, prontu ne’e tuir hau nia koenesementu ituan karik ne’ebe mak hau iha, senior Primeiru Ministru antisipa liu karik, mais prontu ne’e desijaun Primeiru Ministru nian, hau la iha komentariu barak ba ida ne’e,” dehan, Francisco Guterres ‘Lu-Olo’ ba Jornalista sira, Segunda (24/11) iha Centro Convensaun Dili (CCD).
Eis Prezidenti Parlamentu Nasional ne’e hatutan, ne’e desijaun Primeiru Ministru nian, los ne’e karik Ministreriu Públik sei karik, sei halo investigasaun ou bele hatene tan dadus ruma, dokumentus ruma mak senior Primeiru Ministru adeata.
Nia informa mos, konaba osan 6 miloins ne’ebe mak fo ba Guine Bisua ne’e hanesan ajuda solidaridade ida Timor Lestefo ba Guine Bisau, mais portantu 35 miloins ho 6 miloins ne’e osan hotu, ne’e osan povu Timor Leste nian hotu ita bele konsidera.
“Mais idak-idak lao iha ninia prosesu dalan ketak, ita labele kompara ida ne’e kuanti menus la fale liu, ida bot liu fale liu lae, ne’e lae,” nia hatuir.
Orgaun soberanu Proteje ho Imunidade
Iha fatin hanesan, Direktur FONGTIL Arsenio Prreira da Silva , hatete, Primeiru Ministru tuir lolos labele marka prezensa iha Tribunal, tuir dalan los labele ba tribunal tamba iha lei ba orgaun soberanu hotu ne’ebé proteje husi imunidade.
“Hau nia hanoin tuir lolos, hanesan Xefi Governo ida bele , tuir lolos ne’e Primeiru Ministru labele ba tribunal, kuandu ba iha tribunal ne’e laos hanesan ne’e, ida bele iha dokumentus ba iha Ministeriu Públiko ba tribunal kuandu iha karta ruma husi tribunal bele ba iha nebá. Tamba, iha lei ba orgaun soberanu hotu ne’ebé proteje husi imunidade la kualker ba fali iha tribunal nebá,” dehan Arsenio Perreira.
Nia hatutan, mais hanesan Timor oan hotu mais labele ho dalan ne’e ba deit tribunal. Hanesan orgaun soberanu ida ba iha neba labele.
Nia esplika katak, tenke liu husi prosesu ida mak bele ba iha nebá mais dala ruma hanesan stratejia balun, durante situasaun orgaun soberanu sira balun labele iha naksalak ruma, mais tuir dalan lolos ne’e labele marka prezensa deit hanesan ne’e iha tribunal.
Tamba ne’e, tuir nia hare, ne’e manefesta servisu orgaun idak-idak nian halao knar, tamaba iha semana idak liu ba ne’e hotu-hotu hare parte governo nian halo intervensaun ba Justisa dala ruma ida ne’e hanesan laos hatudu interverensia mais hodi fo intensaun. Laos interven maibe, iha koperasaun diak entre orgaun soberanu sira ne’e hotu.
Prezensa Primeiru Ministru (PM) Kay Rala Xanana Gusmão foin lalais ne’e iha Tribunal Distrital Dili (TDD), hodi entrega dokumentus 11, ne’ebé deskonfia konaba tranferensia sala osan ba konta bankaria ho montante 6 milloens, ne’ebé Governu Timor Leste atu ajuda ba Guiné-Bisau.Eby
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template