Headlines News :
Home » , , , , , » Manifestasaun Iha Santa Kruz “Ilegal”, PNTL Iha Dever Halo Kapturasaun

Manifestasaun Iha Santa Kruz “Ilegal”, PNTL Iha Dever Halo Kapturasaun

Written By Timor News Online on 11/17/2014 | 12:30 AM



Polisia Nasional Timor Leste (PNTL) iha dever legalmente hodi halo kapturasaun ba manifestante sira ne’ebe mak aproveinta selebrasaun Masakre Santa Kruz hodi halo manifestasaun kontra Estadu iha Semitariu Santa Kruz, Kuarta (12/11).
“Manifestasaun ne’ebe grupu intelektual estudante universitariu sira mobiliza ne’e konsidera ilegal, tamba la iha konhesimentu husi autoridade. Maibe, tansa mak polisia la halo kapturasaun,” hateten Direktur Ezakutivu Fundasaun Mahein, Nelson Belo, hodi responde JNDiario iha nia servisu fatin, Balide, Dili, Sabadu (15/11).
Tuir Nelson Belo nia haree katak, manifestasaun ne’e normal, tamba joventude sira bele espresa sira ninia hanoin ba nai ulun sira nia komemorasaun loron joventude no hanoin hikas masakre Santa Kruz, 12 Novembru 1991.
“Hau hanoin la iha violasaun rigorozu ida iha ne’eba, ne’ebe maka ita kumpara Polisia furada ema iha dalan sira ne’e at liu fali, ne’e maka hau hanoin se’e ita aplika duni lei, ita halo ona kapturasaun ruma ka lae, kuandu halo kapturasaun tenki lori ba Ministerio Publiko(MP),” afirma Nelson Belo.
Problema sosial, justisa no dezenvolvimentu sai prekupasaun ba ema tomak nian, inklu estudante sira, tamba ne’e, estudantes sira mos iha direitu atu apresia sira nia preokupasaun ba Estadu.
“Iha Governasaun kuandu lao la los, autormatikamente sidadaun sira iha dever atu fo hanoin bazeia ba ita nia konstituisaun, bazeia ba ita nia kultura politikas ho lalaok moris nian,” afirma Nelson Belo.nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template