Headlines News :
Home » , , , , , , , , » Mari Alkatiri : Rezolusaun Fo Impaktu Ba TL

Mari Alkatiri : Rezolusaun Fo Impaktu Ba TL

Written By Timor News Online on 11/04/2014 | 8:51 PM



Eis Primeiru Ministru (PM), Mari Alkatiri, hateten, rezolusaun ne’ebe hasai husi Parlamentu Nasional (PN) fo impaktu hat (4) ba Timor Leste (TL) rasik.
PN laiha kompetensia hasai rezolusaun, tanba iha momentu ne’eba Prezidente PN la konvoka plenaria, maibe konvida deit deputadu sira hodi hasoru malu ho Primeiru Ministru (PM), Kay Rala Xanana Gusmão.
“Naturalmente rezolusaun ne’e nia impaktu primeiru maka, ita halo sasan la tuir ona ita nia konstituisaun, impaktu segundu maka, ita trata asuntu ho sidadaun rai seluk sira nian, impaktu bot liu maka ema komesa duvida ona ita nia Estado katak ita nia Estado de direito duni ka lae,”eis PM iha primeiru Governu konstitusional, Mari Alkatiri, ba Jornalista sira hafoin hasoru malu ho Prezidente Republika, Taur Matan Ruak, iha Palasiu Prezidensial, Aitarak laran, Dili, Tersa (04/11) horseik.
Sorumutu ne’e koalia liu kona ba asuntu Estado, tanba ne’e eis titulares kompostu husi, Mari Alkatiri, José Ramos Horta no Fransisco Guterres “Lu Olo” hasoru malu ho Prezidente Republika (PR), Taur Matan Ruak, kuaze iha oras tolu (3) hodi fo hanoin ba malu oinsa salva nafatin TL.
“Ami hanesan eis titular mai hasoru Prezidente Republika hodi deklara ami nia apoia tomak ba Estado para hadia saida mak sala, maibe tenke rekonhese katak frakezas iha Estado ida ne’e iha fatin hot-hotu, hahú kedas iha Parlamentu Nasional, Governu, Administrasaun publika to’o mai Justisa buat hotu iha frakezas ne’ebe labele hanoin deit katak sistema iha justisa mak fraku,”deklara atual Sekretariu Jeral Partidu FRETILIN ne’e.may
Source: Diairu Jn
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template