Headlines News :

Mauk Moruk Husu Livre

Written By Timor News Online on 11/06/2014 | 9:30 PM



Prizoneiru Paulino Gama ‘Mauk Moruk’ hato’o pedidu ba Tribunal Distrital Dili hodi husu liberdade. Tanba laiha evidensia ne’ebe forte atu mantein nia iha prizaun preventiva inklui juiz ne’ebe kaer nia prosesu ne’e hetan ona expulsa husi Governu Timor Leste.
Durante ne’e prizoneiru sofre moras tensaun alta 150 to’o 180, nune’e doutor ne’ebe fo tratamentu rutina iha prizaun sujere atu nia labele han masin, naan, bele hemu sususben, labele fuma no hemu kafe, tenki hemu bee aqua.
Haree ba kondisaun saude Mauk Moruk ne’e mak iha loron 20 Agustu defeza hatama pedidu ba Ministeriu Publiku (MP) atu nia simu tratamentu iha HNGV, maibe to’o agora MP lafo resposta.
Tan nee Mauk Moruk rasik halo pedidu fo ba advogadu asina atu husu liberdade, tanba ne’e iha 30 Setembru pedidu revogasaun prizaun preventiva ba kedas iha Tribunal Distrital Dili, hodi husu tribunal kansela ninia prizaun preventiva hodi bele halo tratamentu.
Pedidu ne’ebe haruka ba tribunal ho numeru prosesu mg.2513 junta hamutuk ho karta mediku, karta rezolusaun no deklarasaun PM Kay Rala Xanana Gusmão, Major Jeneral Lere Anan Timor ne’ebe publika husi media inklui despacu Sekretariu Estadu Defeza, Julio Tomas Pinto konaba rezolusaun, liu husi faktur no razaun sira ne’e tribunal bele konsidera hodi bele kansela ninia prizaun preventiva no hetan liberdade, tanba laiha evidensia.
Maibe liu tiha semana rua, juiz internasional Julio Gantes hatun despacu katak, Mauk Moruk mantein nafatin iha prizaun preventiva hodi hein prosesu investigasaun.
Tuir juis ne’e, rezolusaun ne’e labele aplika ba Mauk Moruk, mesmu rezolusaun ne’e dehan lei. Tribunal dehan mai, sira la apilika rezolusaun ne’e, sira aplika lei.
Entaun parte defeza nia haree, kazu Mauk Moruk ne’e komplikadu tebes, sira balun koalia A balun koalia B, laiha koordenasaun, se ida ne’e mak akontese iha nasaun demokratiku entaun tenki absolve ema, labele halo investigasaun arbiru.
“Laiha rezultadu husi rezolusaun ne’e, laiha indentifikasaun kilat, bonya mean, fardadus no rama ambon. A’at liu tan juis ne’ebe kaer nia kazu ne’e ba ona nia rain, tanba sa mak tenki mantein nia iha prizaun, se buat ruma akontese Estadu tenki responsabiliza,”dehan advogadu Paul Remedios ba JN-Diário Kuarta (5/11) iha nia kna’ar fatin, Meti-Aut, Dili.
Ba defeza, tuir lolos, iha evidensia mak bele prende ema, agora sira prende, buka faktus la hetan, maibe kontinua nafatin iha prizaun preventiva.
Ninia kazu ne’e laos espesial, ne’ebe atu mantein nafatin iha prizaun preventiva, ne’e kazu baibain, nia bele simu prizaun domisiliariu (prijioneiru uma,red). Tantu tuir kodigu prosesu penal kazu espesial hetan prizaun preventiva tinan ida, depois tinan rua julgamentu, maibe ninian ne’e laos espesial, tanba evidensia laiha.
“Laiha rasio atu prende ema, ne’e viola ema nia direitu kostitusional, direitu humanu, ita dehan iha, maibe to’o iha ne’eba laiha faktus,” tenik nia.
Defeza akresenta, to’o agora seidauk iha karta notifikasaun ruma husi Ministeriu Publiku.
Antes ne’e Organizasaun Naun Govermental (ONG), Fundasaun Mahein hatete, rezolusaun ba grupu Conselho Revolusaun Maubere (CRM) ne’e laiha rezultadu.nty
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template