Headlines News :
Home » , , » Migrasaun Prende Passaporte WNI Nain 7

Migrasaun Prende Passaporte WNI Nain 7

Written By Timor News Online on 11/20/2014 | 8:08 PM



Liu husi operasaun Polisia Servisu Migrasaun nian, Kuarta (19/11), prende passaporte sidadaun Indonezia (WNI/Warga Negara Indonezia) nain 7 nian tanba utiliza sala vistu turista hodi halo fali servisu iha Hotel JL Vila.
Operasaun ba JL Vila iha tuku 09:00 OTL, halo trabalhadores hotu paniku, maibe ekipa Migrasaun nian aprezenta an hodi halo inspesaun ba trabalhador Indonezia hirak ne’ebe mak servisu iha hotel refere.
“Ami hetan ema estranzeiru ne’ebe maka servisu iha ne’e hamutuk ema nain 7, maibe nain rua maka hetan vistu trabalhu depois nain 5 ho viztu turista,” informa Xefi Fiskalijasaun Migrasaun Sarjento Jaçinto Ximenes ba Jornalista iha Hotel JL Vila.
Artigu 118 Servisu Migrasaun dehan katak, ema estranzeiru ne’ebe maka mai iha Timor Leste atu halo servisu ruma tenki hetan vistu trabalho maka foin bele halo servisu.
“Kuandu sira kontra ita nia artigu 118, entaun sira tenki ba hatan iha Migrasaun hodi fo sira nia deklarasaun, depois ita halo notifikasaun ba sira selu multa tuir lei ne’ebe maka vigora,” Jaçinto Ximenes esplika.
Iha parte seluk Direktur JL Vila Julio Lo hateten, ema sira ne’ebe maka nia fo servisu ne’e laos servisu illegal, tanba buat prosesu naruk iha SEPFOPE, tanba ne’e maka ema nain lima servisu sei uza hela vistu turista hodi halo servisu ne’e.
“Hau rasik lakohi uza ema liur, maibe Xefi sira ema la iha entaun hau tenki bolu ema liur mai servisu. Atu dehan deit katak, hau pronto ba presta deklarasaun no kumpri Lei Migfrasaun nian,” afirma Julio Lo. nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template