Headlines News :
Home » , , , , , , , , , , , » Ministru Alfredo Rezeita, Projetu Aeroportu Suai La involve Timor Oan

Ministru Alfredo Rezeita, Projetu Aeroportu Suai La involve Timor Oan

Written By Timor News Online on 11/20/2014 | 8:25 PM



Ministru Petroleum i Rekursu Minerais (MPRM), Alfredo Pires rezeita informasaun ne’ebé hateten katak, projetu Aeroportu ne’ebé dadauk ne’e la’o iha Suai, Distritu Covalima ne’e, lainvolve Timor oan sira.
“Ami mos rona katak, Timoroan sira lainvolve liu iha projetu ne’ebé la’o iha Suai. Maibé ida ne’e lalos, iha Timoroan 30 servisu iha parte fera fatuk nian,”hateten Alfredo Pires ba Jornalista sira iha Palácio Governu, Kinta Feira, (20/11).
Alfredo Pires hatutan katak, konaba Aerportu nian, iha ne’ebá maka tenki haree didi’ak, tanba iha servisu oin tolu maka iha ne’eba hanesan, low skill, medium skill no high skill.
“Ita nia hakarak ne’e, servisu sira ne’e, 100% Timoroan, maibé iha problema oituan ho ita nia koñesementu ba buat sira ne’e,”relata Alfredo Pires.
Maibé Alfredo dehan, ida ne’e signifika katak, Timoroan sira aban bainrua labele nafatin hanesan ne’e. Kona-ba kondutor atu kaer kareta, kompañia sira emprega kedas, kuandu Timor oan sira iha sim.
Tanba Alfredo akresenta, Ministeriu Petroleum mos, agora dadauk hanorin hela populasaun sira iha Suai kona-ba kaer kareta, hanorin kona-ba lian ingles no komptador.
Maibé Alfredo dehan, importante maka dadauk ne’e projetu ne’e la’o hela, i kompañia sira mos komesa involve Timor oan sira iha projetu ne’e ona.
“Maibé husi Governu mos rekuñese katak, ita tenki hakas liu tan buat sira ne’e, hodi ba oin buat hotu bele la’o diak liu tan,”tenik Alfredo.
Tanba ne’e, Alfredo husu ba Timor oan sira atu labele lakon esperansa ba servisu iha Suai nian, tanba Timor oan sira balu dadauk ne’e kompañia involve ona sira iha projetu ne’e.
Al fredo haktuir, dadauk ne’e kompañia sei buka hela ema atu servisu, hanesan kondutor, maibé tenki tuir criteria ne’ebé maka iha, hanesan sim no iha kuñesementu uit oan kona-ba kareta.
Antes ne’e, komunidade sira iha Distritu Suai kesar ba Prezidente da Republika katak, kompañia sira ne’ebé maka kaer projetu Aeroportu Suai ne’e, la involve Timor oan sira iha laran.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template