Headlines News :
Home » , , , , , » Ministru Defeza Portugal Hasoru Malu Ho PM Xanana

Ministru Defeza Portugal Hasoru Malu Ho PM Xanana

Written By Timor News Online on 11/24/2014 | 8:59 PM



Ministru Defeza (MD) Portugal José Pedro Aguiar Branco, Tersa feira (25/11), iha nia vizita mai Timor Leste (TL) hodi hasoru malu ho Primeiru Ministru (PM) ne’ebé assume mós Pasta Ministru Defeza no Seguransa (MDS), Kay Rala Xanana Gusmão.
Objetivu hasoru malu ne’e atu hametin liu tan koperasaun Portugal nian ho Timor Leste (TL) iha área Defeza.
“Ita nia koperasaun ho Portugal iha área defeza sa’e ba bei-beik, tanba Portugal úniku nasaun ida ne’ebé maka fasilita ita primeiravez ita nia forsas armada sira ne’e ba partisipa iha ezersísiu kanaliza mapa nomós ezersísiu kombate terrenu,” dehan Sekretariu Estadu Defeza (SED), Júlio Tomas Pinto ba Jornalista sira iha Palácio Governu.
Governante ne’e hatutan katak, iha vizita Ministru Defeza Portugal ne’e mós, sei asina akordu ho Ministru Defeza no Seguransa Timor Leste, atu bele estabelese Sentru Língua Portuguesa iha Metinaro ba forsas armadas ga F-FDTL sira.
“Vizita Ministru Defeza Portugal nian ne’e, sei halo enkontru bilaterál ho ita nia Ministru Defeza e Seguransa Timor Leste Kay Rala Xanana Gusmão hodi koalia kona-ba asuntu defeza nian. Ministru Defeza Portugal mós sei hala’o vizita ba komponente Baucau, Metinaro no Hera,”informa Júlio Tomas Pinto.
Sekretariu Estadu Defeza ne’e dehan tan, Portugal mós to’o ohin loron, sei fó nafatin ninia komprimisu no ajuda mai TL, hodi haruka ninia asesor militar sira mai servisu hamutuk ho Ministériu Defeza i mós F-FDTL para profesionaliza forsas armadas sira.
“Ita nia Ministru Defeza Portugal ne’e mós dehan, rezolusaun Parlamentu nian ne’e, la fó implikasaun ba ita nia koperasaun Defeza, tanba ita nia koperasaun Defeza ne’e, metin ba bei-beik ho Portugal. Tanba koperasaun defeza nian ho Portugal la’os foin maka mosu, maibé koperasaun ida ne’ebé ke iha istória nia laran ona,” Júlio Tomas Pinto fundamenta.
Tuir informasaun, Ministru Defeza Portugal José Pedro Aguiar Branco durante iha TL, sei partisipa mós komemorasaun loron Proklamasaun Independensia Timor Leste, 28 de Novembru iha Aileu.tap
source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template