Headlines News :
Home » , , , , , , » Ministru José Luis Guterres Hasoru Malu Ho Ministra Julie Bishop Australia

Ministru José Luis Guterres Hasoru Malu Ho Ministra Julie Bishop Australia

Written By Timor News Online on 11/24/2014 | 8:49 PM

Ministru Estadu no Negósiu Estranjeiru no Koperasaun Timor-Leste, José Luís Guterres hasoru malu ho nia homóloga australiana, Ministra Negósiu Estranjeiru, Julie Bishop iha, 19 Novembru 2014, iha Nova Iorke.
Iha sorumutu ne’e, parte rua diskuti konabá relasaun bilaterál entre rai rua ne’e no mós preparasaun hirak konabá reuniaun trilaterál ne’ebé sei hala’o entre Timor-Leste, Austrália no Indonézia. Austrália sei sai uma-na’in ba sorumutu trilaterál tuir mai.
Relasiona ho reuniaun trilaterál ne’e, Ministru José Luis Guterres espresa nia esperansa katak reuniaun tuir mai sei diskuti konabá asuntu kooperasaun nian.
“Kona-ba kestaun koperasaun bilaterál, Ministru José Luís Guterres haktuir katak nia diskuti ona ho nia homóloga australiana, nesesidade atu habelar koperasaun no parte rua hato’o mós sira nian pozisaun relasiona ho prosesu Tribunál Justisa Internasional (TJI) ka Internacional Court of Justice”, hateten Nota Komunikadu Imprensa ne’ebé redasaun Jornal Nacional Diário simu, iha Segunda (23/11).
Nota imprensa ne’e hatutan katak, Ministru Jos’e Luís Guterres afirma katak, nia sei hato’o hikas ba Prezidenti Repúblika, Primeiru-Ministru no Ministru sira ne’ebé relevante, konabá pozisaun Australia nian.
Ministru José Luís Guterres aproveita mós oportunidade ne’e konvida Ministra Julie Bishop hodi vizita Timor-Leste iha tempu di’ak ruma.
Durante vizita ne’e, Ministru José Luís Guterres akompaña husi Sófia Borges hanesan Embaixadora Timor-Leste ba ONU, Elisa da Silva nu’udár Xefi Gabinete no Almeiro Vieira nu’udar Sekretáriu Darua ba Misaun Permanente ONU nian.*/ixo
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template