Headlines News :
Home » , , , , , » Ohin, Dom Alberto Hala’o Operasaun

Ohin, Dom Alberto Hala’o Operasaun

Written By Timor News Online on 11/18/2014 | 7:16 PM



Bispo Diocese Dili, Dom Alberto Ricardo da Silva, ohin (19/11), hala’o operasaun nervoju (tumor saraf-red) hafoin semana rua resin halo tratamentu iha Hospital Royal Darwin, Australia.
Atu operasaun ne’e la’o suksesu, vigariu geral substitutu, padre Luis Bonaparte do Rego husu sarani hotu nia orasaun.
Padre Luis haktuir, durante ne’e Bispo Dili sempre hetan moras iha matan, nehan no ulun. Ho ida ne’e nia ba halo tratamentu rutina iha Hospital Nasional Guido Valadares (HNGV), Hospital Bali no Hospital Jakarta, maibe Hospital sira ne’e la identifika nervoju refere.
Senti ba moras hela deit, entaun Bispo Dili ba fali halo tratamentu iha Australia. Nune’e iha loron 31 fulan Outobru tinan ne’e, Bispo sai husi Timor Leste ba Darwin, Australia akompaña ho padre Lugerio.
Hafoin hala’o tratamentu iha Hospital Royal Darwin ba sintomas matan, nehan no ulun. Maibe iha loron 9 Novembru, bainhira hein rezultadu hasai ran inklui rezultadu moras sira seluk, kondisaun Bispo nian komesa ladiak. Iha momentu ne’e hodi halai kedas ba sala emergensia, iha ne’eba mak mediku sira komesa diskunfia iha moras seluk entaun mediku sira komesa lori ekipamentus mediku detekta hodi duni nervoju (Tumor Saraf).
Informasaun ikus ne’ebe padre Luis hetan katak, ran hasai ona, teste tensaun no prosesu CT Scan hala’o hotu ona, no hein loron para tama operasaun.
“Bispo Dom Ricardo hetan problema iha sistema nervoju (tumor saraf-red) no ohin (19/11) mais ou menus tuku 2:00 hala’o operasaun ba nia moras,”informa padre Luis ba JN-Diário iha nia kna’ar fatin Lecidere, Tersa (18/11).
Nia hatutan, Papa Francisco XVI mos sei reza ba nia, nune’e prosesu operasaun la’o ho diak hodi hetan saude diak, atu bele fila ba Timor servi sarani sira.
“Iha loron tolu liu ba Bispo Diocese Baucau, Dom Basilio do Nascimento hetan karta kredensial husi papa Francisco XVI katak, nia preokupa kondisaun Bispo Alberto, nia sei reza nune’e Bispo Ricardo nia kondisaun bele diak fila fali,” haktuir padre Luis.
Nia kontinua, parte Governu mos disponivel atu fo ajuda entermus finansas no rekursus humanu hodi haruka mediku Timor ba akompaña prosesu operasaun ne’e, maibe parte Diocese dezmente.
“Ita fo fiar deit ba mediku sira iha ne’eba. Ami husu sarani sira nia orasaun atu prosesu operasaun ne’e bele la’o diak,”husu padre Luis.Ina
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template