Headlines News :
Home » , , , , » Pe. Rogério: “Ita Nia Vida Liga Ho Maromak”

Pe. Rogério: “Ita Nia Vida Liga Ho Maromak”

Written By Timor News Online on 11/03/2014 | 7:50 PM

Igreja Katolika dedika fulan Novembru nu’udar fulan ba matebian sira. Nune’e tinan-tinan sarani Katólika iha mundu tomak inklui iha Timor Leste (TL) mós selebra fulan Novembru ne’e ho diferenti oituan ho fulan sira seluk.
Hahú iha dia 1 de Novembru igreja dedika kedas loron ne’e ba Santo no santa sira, no dia 2 Novembru nu’udar loron ba matebian nian to’o 30 Novembru.
Nune’e mak iha dia 2 Novembru sarani sira iha Kapital Dili, ba kari aifunan iha semitériu sira iha Dili laran, hanesan akontese iha semitériu Santa Cruz, molok atu tau aifunan sarani hahú ho selebrasaun ba misa ba sarani sira.
Iha nia homilia Padre Rogério Martins ne’ebé prezide misa iha loron matebian ne’e hateten katak, selebrasaun loron matebian iha Timor forte tebes, tanba iha fiar ba reza, kultura ne’ebé mak halo ema nia vida ne’e ligasaun forte tebes ho Maromak.
Nia hatutan katak, vida ne’e dala barak liga ho Maromak maibé, ne’ebé besik ba matebian sira, tamba ne’e, hamutuk iha ne’e lalika hateke ba ema seluk kurizi ita nia-an reza ba matebian sira ho fiar sira lamate.
“Sentidu ne’e, sentidu ida ne’ebé liga ho fiar Nai ninia. Matebian sira lamate, sira mate iha rai ida ne’e, maibé sira hakat tama ba iha vida ida seluk ne’ebé hún lolos mak Maromak,” haklaken, Padre Rogério Martins da Silva, iha homilia bainhira prezidi misa finadu ou loron matebian nian iha simetériu Santa Cruz, Domingo (02/11).
Amo Rogério esplika katak, iha estadu de igreja ne’e iha buat tolu, igreja la’os ita mesak iha ne’e la’e, ita sira ne’e kompara tama iha igreja peregrinu, mundu pregrinasaun katak ita sei la moris metin iha rai ida ne’e ita sei hakat ba iha mundo seluk.
Segundu mak igreja glorioza, vida de santo sira mak iha lalehan hamutuk moris ho maromak dalan ita hotu-hotu nian atu ba iha nebá.
Ida seluk mak igreza purgatario, fatin ida nebé hein hela ita nia tulun reza ba matebián sira nebe hamos án hela fatin nebé rekoeñese án iha maromak nia oin.
Tanba ne’e, Padre Rogerio haklaken, ho selebra loron matebian espransa boot ida fo hanoin teb-tebes mai ita sira nebe moris iha pregrinasaun, ita la hatene los ita nia vida moris, iha Vé moris nian fo hanoin hela mai ita katak iha dalan ida ita sei hakat to maromak.
“Ita iha fiar ká lae konaba ba salavasaun nian ka lae, ita fiar konaba moris rohan laek nian ká lae, ita fiar iha ita nia vida moris liga ho maromak ká lae, ida ne’e mak fo hanoin hela mai ita iha loron matebian nian ne’e liga ba moris teb-tebes sira besik hela ho ita, sira rona hela ita nia orasaun,” haklaken Padre ne’e.
Sakrafisiu no orasaun ne’e ita liga ba maromak nebe fo salvasaun, tamba vida ida ita hotu-hotu sei to bá hanesan profeta Job, dehan ‘Ó Moris iha rai, Ó neon iha Lalehan’ ema bele halo buat hotu-hotu ó sei fila ba maromak.
Tanba, Ó fila ba maromak o sei lá lori buat ida O sei lori deit mak O nia fiar, no ho rikusoi nebe mak o iha espransa nebe bot ba vida aban bain rua nian, vida moris la metin iha rai ida ne’e, dezastre ida derpenti bele kona nia ohin , aban ita lahtene, nia bele planu maibe nia vida ne’e frazil. Rogerio esplika.
Maibe, mensagen Jesus Kristu nian lori ita ba salvasaun, moris tenke hakraek án, ho hakraek án mak bele simu maromak iha ita nia moris katak hakraek án vida ne’e maromak nian.
“Hau hanoin ita tenke hadia ita nia án, ho fiar ita nia án makas liutan, ita lori ita nian lolos ba maromak atu aban bain rua ita moris ho maromak,” Rogerio haklaken.eby
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template