Headlines News :
Home » , , , , , , » Persiza Estatutu Rai Hodi Kria Kreditu

Persiza Estatutu Rai Hodi Kria Kreditu

Written By Timor News Online on 11/03/2014 | 8:32 PM



Banco Nacional Comercio de Timor Leste (BNCTL) daudaun ne’e prepara hela prosedimentu kreditu uma ba funsionariu publiku sira, maibe planu ne’e sei la realiza bainhira seidauk iha estatutu rai ne’ebe klaru.
“Ami prepara hela prosedimentu sira, seidauk tama final, sei iha diskusaun, basa foin dadauk mak ami lansa survei ida ne’ebe hatudu 90% ema hotu hakarak, maibe problema ba ami mak estatutu rai,” dehan Manager operasional, ManueL Rangel da Crus ba JN-Diario iha nia kna’ar fatin foin lalais ne’e.
Maibe BNCTL tenta halo diskusaun ho Ministeriu Justisa liu husi Sekretaria Estadu Terras no Propriadade hodi bele responde ba planu ne’e, tanba maioria funsionariu publiku aseita planu refere.
“Hau espera problema rai ne’e bele rezolve ona, tanba atu hari’i uma ne’e iha rai leten, entaun persiza estatutu ne’ebe klaru, nune’e kuandu lansa planu ne’e laiha vitima ba rai,” esplika nia.
Husi prosedimentu ne’e mak fahe katak, loke ba kualker ema ka ba ema sira ne’ebe ho rendimentu lor-loron. Kona ba prazu no medelu husi produtu ne’e Manager ne’e lakohi koalia barak, tanba konforme prosedimentu.
Planu kreditu ba uma ne’e sei hari’i iha postu Hera, Metinaru no Tibar Administrasaun Munisipiu Dili.Ina
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template