Headlines News :
Home » , , , , , , , , » PGR “Tanis” Despede Prokurador Internasional

PGR “Tanis” Despede Prokurador Internasional

Written By Timor News Online on 11/06/2014 | 9:20 PM



Prokurador Geral Republika (PGR), José Ximenes ho Prokuradora Distritu Dili, Angelina Saldanha, laran dodok no mata wen monu, wainhira despede prokurador internasional ne’ebe durante ne’e servisu iha Timor Leste.
Prokurador internasional ne’ebe despede ho PGR mak Prokurador Luis Landin (Cabo-Verde ho Prokuradora Gloria Alves (Portugal).
Serimonia despedida ne’e hala’ o iha salaun PGR, Colmera, Dili, Kinta (06/11). Loron neba kedas Prokurador Luis Landin ho Prokuradora Gloria Alves, liu hikas ba Aeroporto Internasional Prezidenti Nicolau Lobato, hodi fila obrigatoriu ba sira ida-idak nia rain.
Prokurador internasional sira husik hela Timor Leste “obrigatoroiu” bazeia ba rezolusaun ne’ebe fo sai husi Parlamentu Nasional ho Governu.
Durante ne’e Prokurador internasional nain 6 mak servisu iha Timor Leste, kompostu husi Prokurador Luis Landin, Felismino Cardoso, Arlindo Figueredo, Franclin Frutadu, Gloria Alves ho João Alves.
Fontes konfirmadu husi MP katak, prokurador husi Cabo Verde nain hat ne’e nain ida deit mak espulsa, maibe nain tolu seluk ne’e sira nia superior MP Portugal nian haruka karta mai hodi husu sira fila hotu.
Durante ne’e Prokurador internasional sira lahatene buat ida no pior liu tan maka prokurador balun foin mak mai iha tinan ida ne’e nia laran. Prokuradora Gloria Alves durante ne’e kaer kazu korupsaun no juis Internasional ne’ebe mak toma konta ba kazu krime mak juis Internasional Julio Gantes.
Da-daun ne’e prokurador internasional ne’ebe mak naran tama iha lista espulsa sai hotu tiha ona husi Timor no sira ne’ebe naran laiha, sei deklara sira nia rezignasaun iha Sabadu (08/11).
Informasaun seluk ne’ebe mak JN-Diário hetan husi fontes importante iha Servisu Emigrasaun Timor Leste konfirma katak, iha Kuarta (05/11), juis ho asesor internasional nain 5 mak sai ona husi Timor Leste liu husi Aeroporto Prezidenti Nicolau Lobato.
Juis Portuguesa nain 5 ne’ebe mak fila ona ba sira nia rain mak Juis Cida Orlando de Melo Pinto, Juis Eduardo Neves Julio Gantes, Juis Pedro Miguel Figueredo ho Juis Carlos Camara.
Asesor internasional, ida maka José Pinto husi nasaun Portugal ne’ebe maka durante ne’e fo asesoria legal ba Komisaun Anti Korupsaun (KAK).may/nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template