Headlines News :

PM Xanana Ba TDD La Liu Husi Prosesu Forma

Written By Timor News Online on 11/18/2014 | 7:44 PM



Parlamentu Nasional (PN), konsidera prezensa Primeiru Ministru (PM), Kay Rala Xanana Gusmão, nian iha Tribunal Distrital Dili (TDD) ne’e la liu husi prosesu formal.
Asaun ne’ebé mak PM Xanana Gusmão halo ne’e hodi responde ba ejijensia husi movimentu grupu estudante sira halo iha komemorasaun loron masakre Santa Cruz 12 Novembro nian foin lalais ne’e katak membru Governu sira mesak koruptor.
“Ne’e resposta ne’ebé maka maun boot (Xanana-red) halo relasiona ho asaun ne’ebé maka halo iha 12 Novembro husi movimentu grupo estudante sira ne’ebé halo asaun de protesta iha ne’eba ne’e maka maun boot halo reasaun ida ne’e maibe ne’e la liu husi prosesu formal,”hateten Deputadu, Virgilio da Costa Hornai, ba jornalista sira iha Parlamentu Nasional (PN), Tersa (18/11).
Tuir deputadu husi bankada Partidu Demokratiku (PD) ne’e katak, regras normal maka membru orgaun soberania ruma hetan akuzasaun, primeiru presiza iha karta notifikasaun husi Tribunal ba PN depois PN halo agendamentu, diskuti para hasai imunidade nune’e membru orgaun soberania ne’e bele sai hanesan sidadaun bai-bain iha lei nia oin.
Maibe ho inisiativa Primeiru Ministru nian ne’e hanesan voluntariamnete hodi hatan kona ba informasaun ne’e iha katak Governu hasai osan apoiu ba Guine-Bissau ne’e iha mal uzus, tamba ne’e ho voluntariamente PM Xanana ba TDD aprezenta faktus.
“Iha informasaun katak Governu hasai osan apoia ba Guine-Bissau ne’e maka iha indikasaun ba mal uzus ne’e maka ne’e tia ne’e. maibe formalmente la’os hanesan ne’e tenki iha notifikasaun husi Tribunal mai iha Parlamentu,”dehan nia.
Prezensa PM Xanana nian iha TDD ne’e hanesan espontania deit hodi fo resposta ba informasaun ne’e maibe Tribunal sira labele simu PM Xanana atu presta deklarasaun ruma ofisialmente tamba prosesu ne’e seidauk la’o.
Nune’e mós deputadu husi bankada partidu Frente Revolusionario Timor-Leste Independente (FRETILIN), Antoninho Bianco, hateten baibain membru orgaun soberania sira atu ba hatan iha Tribunal, Parlamentu Nasional tenki hasai nia imunidade.
“Baibain membru Governu ida atu ba ne’e Tribunal haruka surat (karta-red) mai iha ne’e, mas ami Parlamentu seidauk hetan surat ida husi Tribunal, keta halo ba vizita karik,”dehan Antoninho Bianco.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template