Headlines News :
Home » , , , , , » PM Xanana Halo Tratamentu Urjente Iha Jakarta

PM Xanana Halo Tratamentu Urjente Iha Jakarta

Written By Timor News Online on 11/18/2014 | 7:38 PM



Primeiru Ministru Kay Rala Xanana Gusmão Tersa (18/11) horseik, tenki semo urjente ba Jakarta Indonesia hodi halo tramentu ba ninia saude.
Hafoin fila husi Tribunal Distrital Dili, PM Xanana koko atu aguenta nia moras ne’e hodi servisu nafatin hanesan bai-bain iha Palacio Governu. Maibe la kleur deit, PM Xanana la’o neneik sai fali hodi aranka kedas ba Aeroportu Internasional Nicolau Lobato, atu ba halo tratamentu iha Jakarta. PM Xanana sei hala’o tratamentu iha Jakarta durante loron hat.
“PM kuandu moras hanesan ne’e, tenke ba Indonesia halo tratamentu”, dehan Fonte Komfirmadu ida ne’ebe besik liu ba Primeiru Ministru.
PM Xanana semo ho Aviaun GA, Dili-Denpasar ho numeru vou 7310. Aviaun Garuda ne’ebe PM Xanana sa’e husik hela Timor-Leste mais ou menus tuku 11:30 otl.
PM Xanana nia kotuk mak moras, no nia infrenta moras ida ne’e, durante semana ida ona, maibé nia sei aguenta hodi kontinua hala’o servisu nafatin.
Maibé tanba PM Xanana senti ladiak, nia tenki semo urjente ba Bali hodi no liutan ba Jakarta atu halo tramentu ba ninia moras.
“Primeiru Ministru moras duni, tanba ohin mai fali husi Tribunal mos, nia la’o neneik deit, hanesan stroke. Entaun la to’o oras 2 hanesan ne’e, Primeiru Ministru sai fali hodi ba kedas Jakarta,”fonte ne’e informa tan.
PM Xanana atu halo tratamentu ba ninia saude iha Jakarta, maibé kuandu hare moras ne’e oinsa, sei liu ba Singapora.
PM Xanana nia viazem atu halo tramentu iha Indonesia ne’e la akompaña husi membru Governu ida, maibé akompaña husi nia eskoltu nain rua.
Tuir observasaun Jornalista Diário ne’e nota katak, kondisaun PM Xanana nian ladiak duni, bainhira lori dokumentus korupsaun nian, ba intrega iha Tribunal Dili.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template