Headlines News :
Home » , , , , , , , , , » PM Xanana Hasoru Administrador TDD, Entrega Dokumentus Relasiona Ho Inkeritu Kazu Balu

PM Xanana Hasoru Administrador TDD, Entrega Dokumentus Relasiona Ho Inkeritu Kazu Balu

Written By Timor News Online on 11/18/2014 | 8:28 PM

Primeiru Ministru Kay Rala Xanana Gusmão Tersa (18/11) horseik, ba duni Tribunal Distrital Dili (TDD) hodi entrega dokumentus futun bo’ot tolu (stop map jumbo 10) ba Juis Administrador Tribunal Distrital Dili. Dokumentus sira ne’e iha relasaun ho kazu balun nebe oras ne’e ministeriu kompetente halo hela inkeritu.
‘’PM Xanana mai entrega dokumentus balu nebe iha relasaun ho kazu balu nebe oras iha inkeritu nia laranh,vizita ne’e hatudu katak tribunal independente no imparsial’’ dehan Administrador Tribunal Distrital Dili (TDD) ,Duarte Tilman hafoin simu dokumentus husi PM Xanana Gusmao iha Tribunal Dili.
Antes PM Xanana atu to’o iha TDD, nia eskoltu, intelejen no polisia sira ba uluk TDD hodi halo revista ba fatin ne’ebé maka PM Xanana atu liu ba.
PM Xanana to’o iha TDD tuku 9:45 otl, ho nia kareta servisu (Prado), akompaña husi nia kareta siguransa Sec 1 no Sec 2.
Iha loron refere, ema ne’ebé hein PM Xanana atu ba intrega dokumentus korupsaun ba TDD ne’e, ladun barak hanesan iha loron Segunda, tanba iha loron Segunda ne’e, komunidade barak no Veteranus balu mos, ba hein iha TDD atu haree Xanana ba intrega dokumentus korupsaun sira ne’e.
Bainhira tu’un husi nia kareta, ema sira ne’ebé maka hein hela nia iha TDD ne’e, hakfodak, tanba haree PM Xanana la’o ho ain kudeik uitoan, nia eskoltu sira tenki kaer nia husi sorin-sorin no kotuk.
PM Xanana la’o neneik tama ba TDD laran, akompaña husi nia siguransa sira no polisia hodi sa’e neneik ba andar leten, atu hasoru malu ho Juis Administrador Tribunal Distrital Dili Duarte Tilman.
Hafoin hasoru malu ho Juis Administrador TDD, Duarte Tilman iha minute 25 nia laran, PM Xanana tu’un hikas fali mai akompaña husi nia eskoltu, Polisia no siguransa sivil balu.
Maske jornalista sira hobur lisuk PM Xanana atu esplika kona-ba nia prezensa iha TDD ne’e, maibe PM Xanana nunka koalia buat ida. PM Xanana ho oin hamnasa sa’e fali ba nia kareta hodi fila fali ba ninia uma.
Hafoin entrega tiha dokumentus sira ne’e ba TDD, Juis Administrador TDD, Duarte Tilman hatete katak, PM Xanana ba entrega dokumentus ne’ebé maka liga ho prosesu inkeritu balu.
“Prosesu ne’e seidauk iha Tribunal. Tanba ne’e, Tribunal sei haruka ba orgaun kompetente, hodi kontinua ho investigasaun ne’ebé maka iha, hodi dokumentus sira ne’e bele sai hanesan prova,”informa Duarte Tilman.
Nia hatutan, prezensa PM Xanana ne’e mos, enkoraja TDD para konfia nafatin hanesan instituisaun ne’ebé maka independente, i halo servisu tuir lei no konstituisaun.
Tenki fiar duni mai Tribunal Distirtal Dili, atu fó solusaun ne’ebé tuir lei. maibé Duarte Tilman dehan, dokumentus sira ne’ebé maka PM Xanana lori ba ne’e, sei inkeritu hela.
“Segredu de Justisa, Primeiru Ministru lori dokumentus sira ne’e mai, ami remete ba orgaun kompetente, hanesan titular asaun penal,”katak Duarte Tilman.
Nia hatutan, se prosesu ne’e iha ona akuzasaun iha ne’e, TDD bele konklui ba juis prosesu, para bele marka julgamentu hodi apresia provas sira ne’e.
Duarte Tilman haktuir, sorumutu entre nia ho PM Xanana ne’e, la koalia tan buat seluk maibé, PM Xanana entrega deit dokumentus sira ne’e.
“Konfiansa nafatin mai Tribunal, i laiha interfrensia ba vizaun Tribunal nian, respeita prinsipiu ba separasaun de poder, atu halo diak ba rai ida ne’e,”relata Duarte Tilman.
Tanba iha konstituisaun mos hatete katak, TDD atu halo nia servisu mos, tenki iha koperasaun ho orgaun sira seluk, amibé tenki respeita prinsipiu separasaun de poder. tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template