Headlines News :
Home » , , , , , , , , » PM Xanana Hasoru Administrador TDD Entrega Dokumentus Guine Bissau

PM Xanana Hasoru Administrador TDD Entrega Dokumentus Guine Bissau

Written By Timor News Online on 11/20/2014 | 8:18 PM



Prezensa Primeiru Ministru Kay Rala Xanana Gusmão nian loron hira liu ba iha Tribunal Distrital Dili (TDD) hodi hasoru malu ho juis Administrador Duarte Tilman ne’e, PM Xanana entrega dokumentus kona-ba servisu ne’ebé la’o iha Guine Bissau.
Vice Primeiru Ministru Fernando La Sama de Araujo dehan, nia rasik lahatene kona-ba orsamentu ba Guine Bissau ne’e hira, tanba ida ne’e laos ninia responsabilidade.
“Primeiru Ministru lori dokumentus sira kona-ba, servisu saida maka hala’o iha Guine Bissau, no orsamentu ne’e halo nusa,”informa La Sama ba jornalista sira iha Kinta (20/11) iha Palacio Governu.
La Sama haktuir, PM Xanana lori dokumentus hirak ne’e ba Tribunal hodi juis sira bele hare.
La Sama hatutan, komesa iha PM Xanana ba entrega dokumentus sira ne’e ba Tribunal, to’o agora Tribunal rasik seidauk fó fali informasaun ba Governu kona-ba dokumentus sira ne’e.
Maibé La Sama dehan, dokumentus sira ne’e, Tribunal maka prosesa, laos atu lori dokumentus sira ne’e hodi soe ba mai.
La Sama haktuir, PM Xanana ba entrega dokumentus sira ne’e ba tribunal, maibé PM Xanana rasik lahetan karta notifikasaun husi TDD.
Antes ne’e, PM Xanana hasoru malu ho Juis Administrador Tribunal Distrital Dili Duarte Tilman hodi entrega dokumentus futun bo’ot tolu ba TDD.
‘’PM Xanana mai entrega dokumentus balu nebe iha relasaun ho kazu balu nebe oras iha inkeritu nia laranh,vizita ne’e hatudu katak tribunal independente no imparsial’’ dehan Administrador Tribunal Distrital Dili (TDD) ,Duarte Tilman hafoin simu dokumentus husi PM Xanana Gusmao iha Tribunal Dili Tersa (18/11).tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template