Headlines News :
Home » , , , , » PM Xanana Identifika Autór Prinsipál Artemarsiais

PM Xanana Identifika Autór Prinsipál Artemarsiais

Written By Timor News Online on 11/24/2014 | 9:16 PM



Primeiru Ministru (PM) Kay Rala Xanana Gusmão informa katak, governu identifika ona ema ne’ebé maka iha artemarsiais nia kotuk ka autor prinsipál artemarseais nian iha tinan kotuk.
Tanba ne’e maka, nia rasik desidi taka tiha artemarsiais ne’e, liu husi rezolusaun ida, hodi Timoroan sira labele estraga malu bei-beik.
“Tinan kotuk, ha’u ba Hospital Nasional tanba artes marseais maka sona malu, iha ne’ebá balu hamri’ik hela iha liur no ha’u haree mala’e mutin ida fó hela osan ba sira hodi despeza,”informa PM Xanana ba Jornalista sira Domingo (24/11) iha Colmera Dili.
Xanana dehan katak, joven sira keta beik hodi fa’an-an ba osan ne’ebé mala’e sira fó ba sira atu buka estraga malu.
“Ha’u husu ba imi atu kuidadu-an, tanba bainhira ita fraku no ita fahe malu, liu-liu sira ne’ebé riku ne’e, mai hanehan ita nia ulun hodi hadau ita nia rikusoin,”dehan Xanana.
Chefe governu nee dehan, ema liu rihun atus rua mate atu defende rikusoin sira ne’e. Tanba ne’e, joven sira tenki iha hanoin matenek oituan, labele beik nafatin deit.
Xanana husu joven sira atu unidade hodi kontinua nafatin mehi ne’ebé maka beiala sira defende hodi fó sira nia vida ba mate atu defende rai ida ne’e.
“Hadomi oituan ita nia rain ba, tanba ema buka atu sobu ita liu husi meius oi-oin, labele tanba osan US$ 20 dolar, imi estraga malu,”katak Xanana.
Governante nee kontinua husu ba joven sira atu kuidadu-an, hodi hadomi no hadia rai ida ne’e. Labele husik ema atu aproveita Timoroan sira nia frakeza hodi buka atu sobu sosiedade ida ne’e.
Joven sira atu unidade no hadomi malu, tanba ema balun agora iha hela sosiedade nia let, buka atu sobu sosiedade ida ne’e nia estabilidade.
Lider resistensia nee fo hanoin ba joven sira atu labele arbiru, kuandu halo arbiru imi joven sira estraga malu mak ema seluk iha kotuk hamnasa imi joven sira. Chefe governu nee promente kata nia sei lapermiti sosiedade ida ne’e atu baku malu no hirus malu.tap
Source: Diairu JN
Share on :

1 comment:

  1. Parabens maun bot Xanana tanba bele identifica ona ema nebe suporta timor oan sira hodi cria instabilidade. Hau concorda ho maun bot nia idea katak Timor oan liu liu joven atu ketan kan osan hodi monu ba tentasaun nebe oferese hosi ema kulit mutin sira. Ema kulit mutin liu liu sira ita nia visinho ne'e ita persija koidado ho sira nia politica. Balu ba dehan atu ajuda Timor oan maibe persija hare mos sira nia intensaun. Balu taka falta dehan ba ajuda Timor maibe sira iha politka hakarak soran Timor oan para sira bele aproveita hodi fo sogok ba joven balu nebe matan kan ten ba osan nune cria istabilidade iha nasaun hodi nune kulit mutin sira bele continua goja mina iha Tasi laran. Joven sira tenke matan moris no neon nain hanesan maun bot Xanana hatete. Ita ukun an ona keta ba simu fali osan hosi malae sira hodi straga ita nia rain. se ita halo ida ne significa katak ita lakohi atu ita nia nasaun ba oin no hapara dezenvolvimento iha ita nia rain. Mai ita hamutuk hadok hahalok hanesan ne'e. Origado barak.

    ReplyDelete

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template