Headlines News :
Home » , , , , , , , , , » PM Xanana Ohin Hato’o Dadus Korupsaun Ba TDD

PM Xanana Ohin Hato’o Dadus Korupsaun Ba TDD

Written By Timor News Online on 11/18/2014 | 12:26 AM



Primeiru Ministru Kay Rala Xanana Gusmão Segunda (17/11) horseik, kansela nia prezensa ba Tribunal hodi aprezenta dadus korupsaun nian ba Tribunal Distrital Dili (TDD). Tuir planu ohin (Tersa) maka sei ba fali Tribunal Distrital Dili.
Planu PM Xanana nian atu marka prezensa ba ne’e, Tribunal rasik seidauk hetan informasaun, tanba PM Xanana seidauk hetan notifikasaun husi Tribunal rasik kona-ba kazu ne’ebé maka PM Xanana atu aprezenta.
Tuir informasaun katak, PM Xanana hetan akuzasaun korupsaun kona-ba osan ne’ebé maka Governu Timor Leste ajuda ba Guine Bissau. Orsamentu ne’ebé maka Governu ajuda fó hodi ajuda Guinea Bissau ne’e, iha momentu ne’eba halo tranferensia sala, hodi transfere fali ba ema nia konta bankaria.
Tuir lolos, ida ne’e laos responsabilidade PM Xanana nian, tanba iha momentu ne’eba, laos nia maka halo transferensia osan ne’e ba Guine Bissau. Maibe PM Xanana rasik maka hatete, nia maka responsabiliza ba buat sira ne’e hotu.
Alende osan Estadu ne’ebé ajuda ba Guine Bissau, PM Xanana mos hetan akuzasaun kona-ba impede membru Governu sira atu hatan iha Tribunal.
“Ohin ema barak telephone mai, maibe PM la ba ida,”informa fontes ne’ebé maka lakohi publika sai nia naran ba JN-Diario Segunda (17/11) iha Lecidere.
Lolos ne’e, PM Xanana hakarak atu marka prezensa duni iha Tribunal horseik, maibé PM Xanana kansela, tanba ema barak maka ba hobur Tribunal hanesan ema forma iha banku atu ba simu osan.
Tanba ne’e, maka PM Xanana kansela nia prezensa ba Tribunal ne’e, hodi adia ba aban (ohin) tuku 9:00 otl dader.
Antes ne’e, PM Xanana rasik hatete iha nia intervensaun ba selebrasaun 12 Novembru promote katak, nia sei ba aprezentaan iha Tribunal hodi responsabilija kona-ba osan ne’ebé maka Governu ajuda ba Guine Bissau.
“Hau rona katak hakarak justisa, hau sei ba aprezentaan iha Tribunal Distrital Dili, tanba akuza hau dehan hau naok osan, bainhira hau ba ajuda Guine Bissau,”relata Xanana.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template