Headlines News :
Home » , , , , » PN Apresia Ho Programa PNDS

PN Apresia Ho Programa PNDS

Written By Timor News Online on 11/25/2014 | 10:05 PM



Parlamentu Nasional (PN), liu husi komisaun D ne’ebé trata asuntu Ekonomia no Dezenvolvimentu, apresia ba programa Nasional Dezenvolvimentu Suku (PNDS) tamba involve direta husi komunidade iha Suku.
“Ami bazeia ba realidade ne’ebé iha no mós rezultadu fiskalizasaun ne’ebé komisaun halo konaba programa PNDS ne’e ita haree pozitivu teb-tebes. realidade ne’ebé ami hetan, involvimentu komunidade ninian ne’e maka’as tebes tamba desizaun ne’e husi sira, sira maka deside ho kapital 50.000 ne’ebé maka iha,”Prezidente Komisaun D ne’ebé trata asuntu Ekonomia no Dezenvolvimentu, Jacinta Abu Ceu Pereira ba jornalista iha PN, Tersa (25/11).
Implementasaun programa PNDS oras ne’e dadauk hanesan programa pilotu ne’ebé implementa iha suku sira iha distritu, tamba ne’e kada tinan Governu sei implementa programa ne’e iha suku tomak iha teritoriu Timor-Leste.
Programa ne’e rasik Governu sei fo apoiu ba kada suku ho orsamentu hamutuk 50.000 atu nune’e lideransa suku hamutuk ho komunidade define planu hodi ezekuta orsamentu refere.
“Iha komisaun ninia fiskalizasaun, hanesan ami ba Lospalos, sira konstrusaun ba sira nia fatin atu reuniaun, Sentru Komunitariu iha suku ne’e pozitivu tebes tamba involve komunidade direta, sira rasik maka halo. Ita haree nia kualidade ita la dúvida depois sira rasik maka halo, involvimentu komunidade ninian masimu,”dehan nia.
Deputada husi bankada Partido Democratico (PD) ne’e afirma, programa ne’ebé hala’o iha suku kona ba programa PNDS nian deside husi komunidade iha suku, liu husi reuniaun suku nian. Tamba ne’e liu husi reuniaun suku nian maka deside importansia sira ne’ebé maka presiza halo ba komunidade nia diak iha suku ida-idak.
“Pprograma PNDS ne’e involve direta duni husi komunidade suku ida-idak nian la’os husi suku seluk ka kapital,”dehan tan nia.
Nune’e mós deputadu husi bankada Frente Revolusionario Timor-Leste Independente (FRETILIN), Eladio Faculto, hateten ba programa PNDS nian, nia parte ladun hatene konaba programa ne’e maibe hanesan membru Komisaun F nian ne’ebé trata asuntu Saúde, Edukasaun, Cultura, Veteranus no Igualidade Jeneru, haree katak programa ne’e balun involve diretamente husi komunidade iha suku, maibe balun la’o diak no balun la’o ladiak tamba ne’e presiza haree didiak.
“Balun la’o diak no balun la’o ladun diak tamba ne’e maka ita hanoin katak sei haree,”dehan Eladio.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template