Headlines News :
Home » , , , , , » PNTL Kumpri Orientasaun PM Xanana

PNTL Kumpri Orientasaun PM Xanana

Written By Timor News Online on 11/24/2014 | 9:13 PM



Polisia Nasional Timor Leste (PNTL) sei kumpri orientasaun Primeiru Ministru (PM) Xanana Gusmão nian hodi tau atensaun “rigurozu” ba ema ne’ebe mak hakarak kria instabilidade, inklui hakerek lia at iha parede sira.
“Lia fuan ne’ebe mak nai ulun sira kualia hanesan ema teknika iha terenu ami prontu atu halao. Ami prontu para ezekuta hodi nune’e bele asegura estabilidade no paz iha ita nia rai laran,” afirma Komandante Geral PNTL Interino Komisario Afonso de Jesus, hodi responde jornalista iha Kuartel Geral PNTL, Caicoli, Dili, Segunda (24/11).
PM Xanana Gusmão nudar mos Ministru Defeza no Seguransa (MDS), fo ona orientasaun ba PNTL atu silu tohar no tiru iha fatin , ema sira ne’ebe mak koko kria instabilidade.
PM Xanana hasai orientasaun ne’e wainhira haree direitamente lia fuan at balun ne’ebe ema hakerek iha estrada ibun Tasi Tolu nian, Domingu (23/11).
Komisario Afonso de Jesus, konsidera katak, ema ne’ebe mak hakerek lia fuan at iha didin lolon no estrada ibun sira ne’e falta edukasaun no la hatene an (la hatene Timor nia kultura).
“Ita la bele hanoin deit halo buat ida ne’ebe mak tuir ita nia hakarak, maibe ita tenki halo buat ne’ebe tuir baze legal,” afirma Afonso de Jesus.
Seguransa Ba Natal ho Tinan Foun
Atu asegura hakmatek ba sarani Timor laran tomak ne’ebe selebra Natal 2014 ho Tinan Foun 2015, PNTL sei mobiliza nia forsa efetibu nain 3.000 hodi fo seguransa.
Horseik, Komisario Afonso de Jesus, konvida komandante PNTL Distritu 13, hodi diskuti no koalia estratejia seguransa nian ba selebrasaun loron Proklamasaun Independensia 28 Novembru 2014 iha Distritu Aileu, inklui loron boot Natal ho Tinan Foun.
“Ami reniaun primeiru ne’e ami bolu parte Comersiu Industri, sira mai iha ne’e hodi hare kona-ba situasaun fugetis ne’ebe maka tarutu iha Dili laran tomak, tanba   ne’e maka ami bolu sira para bele servisu hamutuk hodi tama sai loja sira ne’e,” haklaken Afonso de Jesus.
Tuir regulamentu UNTAET numeru 5 kualia kona-ba armas, kimika no sasan seluk tan tenki iha lisensa. “Tanba ita nia nai ulun sira husi Parlamentu Nasional hasai rejolasuan ida para bele reforsa lei ne’e,”tenik Afonso de Jesus. Nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template