Headlines News :

PR Taur: Ema Hotu Iha Lei Nia Okos

Written By Timor News Online on 11/24/2014 | 1:31 AM



Prezidente Repúblika (PR), Taur Matan Ruak, konsidera inisiativa Primeiru Ministru (PM), Kay Rala Xanana Gusmão, hodi dokumentus mal uzus no diskonfia kazu korupsaun balun ba aprezenta iha Tribunal Distrital Dili (TDD), tanba hakrúk ba lei.
PR, Taur, subliña, iha Estadu direitu demokratiku, laiha ema ida mak bo’ot liu fali lei.
“Ne’e hatudu katak iha Timor-Leste ne’e, Prezidente, Primeiru Ministru, Prezidente Parlamentu Nasional, la iha lei nia leten, maibe ema hotu-hotu iha lei nia okos,”tenik PR Taur, hafoin remata vizita iha suku Guda, Sub-Distritu Lolotoe, Distritu Bobonaro, Sesta (21/11).
Tuir PR Taur, prezensa PM Xanana nian iha TDD ne’e, laos atu ba halo interferensia iha parte judisiariu.
“Ha’u kontente tanba ho prezensa PM nian iha TDD ne’e, bele hatudu katak laos atu sobu justisa, maibe ajuda diak liu tan para lori justice ba oin,” hatutan PR Taur.
Nune’e mós PR Taur afirma, durante ne’e nia halo vizita ba suku sira iha Timor laran tomak oinsa atu lori povu partisipa iha dezenvolvimentu rai ida ne’e.
“Vizita ha’u nian ba fatin-fatin ne’e kontinuasaun programa ne’ebé difini ba ha’u nia kandidatura, oinsa mak lori populasaun tomak atu partisipa iha prosesu dezenvolvimentu. tanba uluk sira fo partisipasaun luta ba ukun an, agora mos obrigasaun sira nian, dever sira nian fo kontribuisaun ba rai ida ne’e,”hatete PR Taur.
Xefe Estadu, dehan, liu husi vizita ida ne’e, PR benefisia no fo valor ba komunikasaun. Komunikasaun katak Prezidente halo kontaktu ida permanente ho sidadaun sira, hodi sira senti katak Prezidente hamutuk ho sira, Prezidente preokupa sira nia vida moris.
“Objektivu sira ne’e mak halo prezidente mai vizita fatin-fatin sira ne’e, no ha’u kontente tebes wainhira vizita tama sai suku sira,”hatete PR Taur.Nev
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template