Headlines News :
Home » , , , , , , , , , , » Prezensa PM Xanana Iha TDD Hamosu Pergunta Bot Independensia Judisiariu

Prezensa PM Xanana Iha TDD Hamosu Pergunta Bot Independensia Judisiariu

Written By Timor News Online on 11/18/2014 | 8:32 PM



Diretur Judicial System Monitoring Program me (JSMP) Luis de Oliveira Sampaio hatete katak, prezensa Primeiru Ministru Kay Rala Xanana Gusmão nian iha Tribunal Distrital Dili ne’e, hamosu pergunta bot ida ba publiku kona-ba independensia Judisiariu sira nian.
Luis Sampaio haktuir, prezensa Primeiru Ministru nian iha Tribunal ne’e, lolos labele akontese, tanba dadauk ne’e ema sei kestiona hela ho rezolusaun rua ne’ebé maka Governu ho Parlamentu Nasional aprova.
“Maibé kuandu kazu sira ne’e laiha ajenda, Primeiru Ministru nia prezensa iha tribunal ne’e, bele hamosu interpretasaun negativu barak liu, iha konseitu Estadu Direitu Demokrátiku, konseitu separasaun poder, nomos bele mosu perguntas kona-ba independensia judisiariu nian,”dehan Luis de Oliveira Sampaio ba JN-Diario Tersa (18/11) iha nia kna’ar fatin Colmera Dili.
Luis Sampaio dehan, tuir pratika normal, kazu ne’e tenki liu husi prosesu infestigasaun, no infestigasaun ne’e maka sei konklui ho akuzasaun husi Ministeriu Publiku no aprezenta ba Tribunal, foin maka Tribunal ajenda ba julgamentu.
Maibé Luis Sampaio hatutan, kuandu PM Xanana sai hanesan testamuña ba kazu ruma mos, tenki iha notifikasaun.
“Prezensa Primeiru Ministru iha Tribunal ne’e, ema bele hanoin katak, Governu kontinua tau presaun ba servisu Tribunal ninian,” katak Luis Sampaio.
Nia dehan, ema bele hamosu interpretasaun oi-oin, tanba ho movimentasaun barak hanesan, membru Governu sira mós ba, Polisia sira mós ba tomak, membru Parlamentu no komunidade balu.
Ida ne’e hanesan atu halo presaun bo’ot ida ba sistema judisiariu. Kuandu hakarak kolabora ho tribunal, entaun polisia sira labele armadu hanesan ne’e. tanba ho movimentu bo’ot hanesan ne’e, bele halo ema paníku.
Maibé Luis Sampaio dehan, nia espera katak, buat ne’ebé maka halo públiku duvida ne’e, labele sai realidade, Judisiariu sira tenki kontinua fungsiona normal, i orgaun soberania sira ne’e, kontinua respeita liña interdependensia entre orgaun soberania sira, atu fó fatin ba sira hodi hala’o sira nia pozisaun konstituisaun haruka.
Tanba Luis Sampaio esplika, maske PM Xanana atu ba intrega deit dokumentus mos, tenki liu husi ninia prosesu. Tuir pratika ne’e, kuandu Tribunal atu hahu prosesu ruma, kuandu iha ona investigasaun husi Polisia, KAK no Ministeriu Publik.
Tanba Tribunal rasik sei lahatene katak iha krime ruma, kuandu prosesu investigasaun ne’e la mai husi instituisaun tolu ne’e (Polosia, KAK no MP).
“Antes atu tama ba Odamatan Tribunal ne’e, ita tenki liu ba odamatan hira ne’e uluk lai, ita labele ba direitamente iha Tribunal hanesan ne’e,” esplika Luis Sampaio.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template