Headlines News :
Home » , , , , , , , , » Prezidenti PN Aprezenta Riku Soin, Konta Bankaria Iha TL ho Portugal

Prezidenti PN Aprezenta Riku Soin, Konta Bankaria Iha TL ho Portugal

Written By Timor News Online on 11/24/2014 | 9:03 PM



Prezidenti Parlamentu Nasional (PN), Vicente Guterres, Segunda (24/11), tuku 16:00 OTL, hakat ho “vontade” ba Tribunal Rekursu (TR) hodi aprezenta nia riku soin.
Riku soin ne’ebe mak Vicente aprezenta mak hanesan osan ne’ebe nia depozita iha Caixa Geral de Deposito Banco Nasional Ultamarino (BNU) iha Timor to’o Novembru ne’e ho montante US$ 3.000,00-liu no iha Banko Portugal ho montante menus husi US$ 2.000,00.
Vicente Guterres mos iha nia riku soin balun hanesan uma, rai ho kareta hilux ida ne’ebe mak nia uza durante tempu CNRT (Concelho Nacional Resistençia Timorense), inklui kareta Pajero ne’ebe mak hetan kondenasaun maka’as husi Ministeriu Publiku (MP).
Hafoin aprezenta riku soin ba TR, Vicente Guterres informa ba jornalista sira katak, nia mos iha kareta boot ida ho uma ida iha Portugal, inklui mos uma ida iha Aituri Laran, Dili.
“Rikus soin sira ne’e la sura ho hirak ne’ebe mak hau nia inan-aman rai hela ba oan hau ho hau nia maun alin nain 11 seluk ne’ebe hanesan eransa boot ida,” hateten Vicente Guterres.
Resposta Lei KOMSOS
Oportunidade ne’e, Vicente Guterres informa katak, nia prezensa iha TR aprezenta mos resposta PN nian kona-ba Lei Komunikasaun Sosial (KOMSOS) ne’ebe Prezidenti Republika (PR), Taur Matan Ruak, haruka fila fali hodi hadia artigu numeru 24 ne’ebe regula persentazen saham ba ema estranjierus sira iha emprezas Komunikasaun Sosial.
“Mesmu sein iha persentazen ida mos sira dala balun halo ita nakdoko, sa tan, sira hetan partisipasaun iha investimentu komunikasaun sosial. Ida ne’e mak hau fo resposta ba Prezidenti TR, Guelhermino da Silva,” Vicente Guterres hateten.
Imunidade  
Kona-ba PM Xanana Gusmão nia karta ba PN hodi husu la bele hasai imunidade membru Governu sira ne’ebe deskunfia involve krime korupsaun no abuzu poder, Vicente Guterres, klarifika katak,   PN sei analiza ho ulun malirin hodi haree ba interese nasional no razoens ne’ebe mak PM Xanana fo sai iha karta laran relativamente iha estabilidade nasaun.
“La signifika membru governu la hetan julgamentu, maibe to’o fim de mandatu mak sira komete krime ruma em flagante de lito, maka sira ida-idak ba responsabiliza,” esplika Vicente Guterres. may
Source: Diariu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template