Headlines News :
Home » , , , » Sinais Trafiku-Zebra Cross Laos Responsabilidade DNTT

Sinais Trafiku-Zebra Cross Laos Responsabilidade DNTT

Written By Timor News Online on 11/20/2014 | 8:01 PM



Diretur Nasional Transporte Terrestres (DNTT), Natalino de Rosario informa, sinais trafiku no zebra cross iha kapital Dili, laos DNTT nia responsabilidade.
DNTT entrega ona problema sinais trafiku no zebra Cross ba Ministeriu Obras Publiku (MOP) antes tama Cimeira CPLP.
“Rehabilitasaun estrada Dili seidauk remata, nune’e MOP husu nia mak atu hadia sinais trafiku no pinta jebra cros. Ami mos akompaña ba pinta maibe ida ne’e temporariu deit,”dehan Direktur Natalino ba JN-Diario iha nia kna’ar fatin Balide, Kuarta (19/11) hodi hatan ba prekupasaun komunidade liu-liu motorista ho komunidade lao ain konaba sinais trafiku no Zebra Cross ne’ebe balun la funsiona.
Tinan ne’e, Natalino haktuir, Ministeriu Transporte Komunikasaun (MTC) liu husi DNTT laiha alokasaun orsamentu ba pinta jebra cros inklui sinais trafiku.
Nia fo ezemplu, uluk kompaña Sanhos Wan monta hotu ona sinais trafiku no jebra cros, maibe tanba deit haluan estrada entaun sinais sira iha Aitarak Laran, Audian no Bidau lafunsiona. Kuandu estrada ne’e diak hotu ona no atu monta fila fali dia ne’e nia orsamanetu laos ona mai husi DNTT, maibe MOP.
Hatan ba kestaun ne’e Jornalista Diario ne’e tenta konfirma ho Direktor Jeral MOP, maibe okupadu.
Antes ne’e motorista Eujenio da Silva hatete, sinais trafiku no sinais Zebra cross iha kapital Dili barak lafunsiona no balun laiha ona, tanba laiha atensaun maximu husi Ministeriu Transporte Komunikasaun no Ministeriu Obras Publika.
“Sinais trafiku dala ruma diak, dala ruma at. Kuandu at ema halai arbiru deit ne’ebe dala ruma hamosu asidente trafiku. Zebra Cross mos lafunsiona, ema lao hela mos motorista mai ho lansadu deit,” lamenta Eujenio.
Ervina Moreira hatutan, nudar pasajeru ida prekupa mos sinais trafiku no zebra cros iha loja Leader nia oin, Palacio do Governo ho Audian ne’ebe nudar kurjamentu, maibe linha zebra cross lakon total, sidauk iha atensaun husi parte Governu.Ina
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template