Headlines News :

Timorizasaun Iha Area Judisiariu

Written By Timor News Online on 11/17/2014 | 12:55 AM



Ministru Justisa, Dionisio Babo, Sabado (15/11) liu ba desloka ba Portugal no Cabo Verde hodi esplika kontiudu rezoluasaun nebe Parlamentu hasai hodi hapara kontratu autor judisiriau nian nee ba governu rai rua nian.
Depois de rezolusaun nee sai, governu portugues hapara kooperasaun iha area justisa nian ho governu Timor Leste no bolu fila hotu, juises no prokuradores nebe husi Portugal nia fila hotu ba portugal.
Tan nee atu hafoun fila fali kooperasaun entre nasaun rua, Portugal ho Timor Leste. Primeiru Ministru, Xanana Gusmao delega ministru justisa, Dinisio Babo hodi koalia ho governu Portugal.
Antes nee Ministru Justisa, Dinisio Babo ba Diario nee dehan katak governu iha ona planu fiksu atu aprezenta formatu foun kona-ba kooperasaun iha area justisa nian ho Portugal.
Formatu foun Governu TL nian ne’ebe sei aprezenta ba Governu Portugues, iha mos ligasaun ho planu “Timorizasaun” iha area judisiariu nian.
“Hau ho Primeiru Ministru (PM) Xanana Gusmão reuniaun ona ho Embaixador Portugal iha Timor Leste no envia hau ba Portugal hodi koalia ho Governu Portugues kona-ba programa foun ne’ebe mak ita atu halo ho sira iha area Justisa no Judisiariu,” esklarese Ministru Justisa, Dionisio da Costa Babo Soares
Governante nee akresenta katak, Timor hakarak kontinua servisu hamutuk ho Portugal iha area justisa bazeia ba kooperasaun ne’ebe mak asina tiha ona iha Fevereiru, foin lalais ne’e. Maibe, depois rezolusaun Parlamentu Nasional ne’e mosu tiha problema ki’ik-oan entre nasaun rua ne’e.
“Durante tinan hirak nia laran ona TL independente no atu asegura interese nasional atu justisa Timor oan rasik mak kaer iha prosesu Timorizasaun ne’e ita hakarak muda formatu kooperasaun hanesan Justisa iha Tribunal Timor oan rasik mak kaer hanesan primeiru juis mak halo Justisa segundu ita hakarak halo prosesu Timorizasaun tomak, terseiru tenke hasai tiha dependensia ba ema liur, tanba ne’e maka Primeiru Ministru haruka hau ba koalia kona-ba formatu foun ne’e,” hateten Dionisio Babo.
Ministru Justisa nee espera katak proposta ne’ebe Estado TL sei diskute ho Estado Portugal no Cabo Verde, bele iha situasaun husi Estadu rai rua nian, tanba TL mos membru Comunidade Paízes Lingua Portuguesa (CPLP) ne’ebe respeita nafatin Estado de Direito no mos institusaun justisa nian.
“Ita seidauk halo intervensaun direta ba Tribunal, Parlamentu nia rezolusaun ne’e ho objetivu atu defende interese nasional deit, hasai rezolusaun ne’e la’os foin akontese iha Timor deit maibe iha fatin-fatin,” esplika Dionisio Babo.
Hafoin rezolusaun hasai husi PN hodi haruka juises no Prokurador internasional sira, Estado Portugal mos foti desizaun hodi suspende kedas kooperasaun iha area judisiariu nian ho TL, ho ida ne’e MJ reprezenta Estado TL atu ba koalia lolos kona ba suspensaun ne’e.
“Ita ba koalia fali Portugal kona-ba prosesu suspensaun ne’e, ita ba koalia tok ba sira konkorda ka lae, se la konkorda ita bele buka fali medidas seluk,” dehan nia
Ministru Justisa vizita ba Portugal hetan orientasaun husi Primeiru Ministru (PM) Kay Rala Xanana Gusmão. Ministru Dionisio Babo sei to’o hikas fali iha Timor Leste, Tersa (25/11/2014). May
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template