Headlines News :
Home » , , , , , , , , » Veteranus Sei La Mobiliza Povu Halo Manifestasaun

Veteranus Sei La Mobiliza Povu Halo Manifestasaun

Written By Timor News Online on 11/18/2014 | 12:08 AM



Deputada husi bankada CNRT, Domingas Alves da Silva “Bilou-Mali hanesan mós veterana ida hateten, laiha veteranus ida maka mobiliza populasaun iha distritu 13 hodi halo manifestasaun hasoru justisa..
“Atu halo asaun hasoru seitor justisa maka sei la halo, se maka hateten ne’e bosok, ema sira ne’ebé maka halo komentariu ida ne’e, ema sira ne’ebé uluk lakohi ukun-an maka halo komentariu kona ba ida ne’e mas veteranus sei la arbiru,”dehan veterana Bilou-Mali ba jornalista iha Parlamentu Nasional (PN), Segunda (17/11) .
Deputada informa lia hirak ne’e relasiona ho informasaun ne’ebé hateten, veteranus sira sei mobiliza populasaun iha distritu 13 hodi halo asaun hasoru seitor justisa sobre kazu Timor-Leste hasoru kompaña Internasional sira sobre impostu mina no gas nian.
Deputada husi bankada Congreso Nasional Rekonstrusaun Timorense (CNRT) ne’e afirma katak veteranus sira la matenek ba surat, maibe matenek iha kakutak.
Tamba ne’e veteranus sei kontinua ho ninia matenek, sei la arbiru, oinsa bele asegura estabilidade, seguransa nasaun ninian bele metin, hodi nune’e planu no programa Estadu ninian ba dezenvolvimentu nasional bele suksesu iha futuru.
Asegura estabilidade no seguransa nasaun ninian maka responsabilidade no dever veteranus ninian, nune’e bele fo apoiu ba soberania sira, liu-liu Governu atu bele hala’o planu no programa ba dezenvolvimentu nasional.
“Veteranus la matenek ba surat, mas matenek ho kakutak hamutuk ho maun boot Kay Rala Xanana Gusmão ho lider sira seluk hodi luta manan funu i hamutuk ho povu rasik,”veterana ne’e, afirma.
Veterana ne’e afirma katak, veteranus sira sei submisaun nafatin iha ninia lider sira ne’ebé uluk komanda tamba ne’e veteranus sira sei la arbiru halo asaun.
“La organiza, agora dadauk ne’e bolu veteranus tamba uluk iha lider ida, iha komando ida maka komanda funu hodi manan funu i veteranus ninia submisaun nafatin iha ninia lider sira ne’ebé uluk komanda sira ne’ebé sei la aribiru, sei la akontese,”dehan nia.
Tuir deputada ne’e, iha parte seluk veteranus balun koalia sobre preokupasaun iha rai laran ne’e direitu no responsabilidade veteranus sira nian ba nasaun ne’e.
Iha fatin hanesan deputadu bankada FRETILIN, Antoninho Bianco, afirma, laiha fatin ba veteranus sira hodi mobiliza populasaun iha distritu 13 atu halo asaun hasoru setor justisa.
“Ita halo asaun atu kontra fali sira (setor Justisa-red) ne’e laiha fatin, importante maka ita ida-idak buka justisa,”dehan Antoninho Bianco.
Deputadu ne’e afirma katak, tenki apoiu setor justisa hodi hadiak fallansu sira ne’ebé iha.
“Ha’u hanoin diak liu lalika halo, setor justisa agora infrenta hela hanesan ne’e, ita devia apoiu setor justisa tamba sira nia sala iha ne’ebé,”dehan nia.
Nia hatutan, setor justisa mós orgaun soberania Estadu ne’e nian tamba ne’e pessoal sira ne’ebé serivisu iha setor justisa ne’e mesak Timor deit tamba sira mós iha limitasoens no kapasidade ne’ebé sira iha.
“Setor justisa ne’e orgaun soberania Estadu ida ne’e nian, se maka servisu iha ne’eba, ema mesak Timor-oan sira, sira nia kapasidade, limite ne’ebé sira hatene, sira iha nia kapasidade iha ne’ebé sira bele halo,”deputadu ne’e hatutan.
Tamba ne’e hanesan Timor-oan tenki orgulu ho servisu ne’ebé maka Timor-oan sira halo iha setor justisa, tamba bele halo justisa ba ema hodi tesi lia ona.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template