Headlines News :
Home » , , , , » CNCS-TL Defisil Kontrola Prostituisaun

CNCS-TL Defisil Kontrola Prostituisaun

Written By Timor News Online on 12/09/2014 | 10:57 PM



Comisaun Nasional Combate HIV/SIDA Timor Leste (CNCS-TL) identifika seks komersial lá formal ejisti iha fatin barak iha 13 distritu, maibe defisil atu identifika tanba balun taka án hela iha kos, fatin kumu isin sira ne’e, tanba ne’e parte CNCS-TL tenta hela ho orgaun soberanu sira atu lokaliza fatin prostiuisaun nune’e fasil kontrolu.
“Fatin ne’e barak, fatin ida lokalizasaun nene’e formal ne’e laiha tanba tauk, mais fatin ne’e iha hau dehan iha tanba saida, hau hatene fatin sira ne’e iha nebé hau lakohi fo sai lai buat ne’e sei pro-kontra hela nebe barak iha Timor Leste nebe iha Dili distritu iha hotu,” informa, Secretaris Ezekutivu, CNCS-TL, Daniel Marcal, ba Jornalista, Sesta (05/12) iha salaun Universidade Dili, hafoin partisipa kompetisaun diskursu nivel universitariu konaba HIV/SIDA.
Daniel informa liutan, fatin sira ne’e mak balun taka án hela iha kos, fatin sira nebe ladun diak, liu-liu fatin sira nebe mak sira kumu isin ne’e, fatin ne’e kumu isin, laran ne’e la hatene kumu saida la hatene, ida ne’e mak perigozu diak liu mak ho onestidade haree ba realidade estabelese lokalizasaun ne’e.
“Konsentra iha fatin ida para fasil kontrola proteje rai ne’e husi HIV/SIDA, lokalizasaun fatin servisu sexual importante atu prevene transmisaun HIV/SIDA iha Timor Leste,” Daniel hatuir.
Daniel fundamenta katak, agora dadaun komisaun esforsu makas, konsulta hela ho partes hotu, tenke rona husi autoridade local, rona husi orgaun soberaniu sira ,husi greja, katak hari’i lokalizasaun ne’e, hotu – hotu tenke iha konsiensia ida katak tanbasa maka tenke hari’i fatin lokalizasaun prostituisaun ne’e.
“Ita tenke haree ba faktores hotu-hotu liu- liu iha parte HIV /SIDA nian, liu liu orgaun soberanu sira katak lokaliza fain prostituisaun ne’e importante ba prevensaun HIV/SIDA,” Daniel hatete.
Tanba, bele konsentra ema sira ne’ebe maka aktif iha sex ne’e, konsentra iha fatin ida nune’e halo intervensaun ne’e fasil, intervensaun saúde, intervensaun konesementu sira seluk i parte igreja mos bele halo intervensaun ba iha fatin ne’ebe maka lokaliza tiha ona.
Tuir Daniel katak, iha Timor ema ne’ebe maka halao aktividade sex ne’e la’os ida ka rua deit maibe, iha mis sidadaun Indonesia, Xina, filiphina deit, Timoroan mos envolve hotu iha aktividade ne’e, maibe, agora ne’e susar atu identifika hodi bele halo intervensaun.
Daniel esplika liutan katak, relasiona ho fasil kontrola virus HIV ne’e maka tenke regula tau iha fatin ida, para fasil halo intervensaun liu-liu iha area saude nian hanesan mos iha fatin balun nasaun sira seluk kalan sira halo aktividade loron ba chek up.
Kuandu iha lokalizasaun sira bele halo relasaun seksual ho se deit, bele proteze ema sira ne’ebe maka halo sex ho sira nune’e bele prevene transmisaun virus husi ema ida ba ema seluk.
Daniel reforsa katak, lokalizaun prostituisaun ne’e importante,laos problema kona-ba hari’I fatin prostituisaun ne’e atu estraga joven sira, tanba haree deit mesmu laiha fatin prostituisaun maibe lafiar katak joven sira diak hela.
“Problema maka dehan lokaliza fatin prostitusaun dehan estraga joven agora ita la hari’i fatin ne’e imi hare joven sira ne’e diak hela, hau la fiar, laos joven sira deit maibe ema sira ne’ebe maka iha ona fen ho laen ne’e maka ba moris los iha ne’ebá,” Daniel dehan.
“Tanba ne’e hau hanoin ita lalika hanoin ida ne’e nian maibe oinsa maka hari fatin atu bele reduz virus HIV/SIDA, “ Daniel hatuir. eby
Source: Diairu JN
Share on :

1 comment:

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template