Headlines News :
Home » , , , , , , , , , , » Garante Kualidade Obra, PN Husu Governu Halakon Moras Fahe Projetu

Garante Kualidade Obra, PN Husu Governu Halakon Moras Fahe Projetu

Written By Timor News Online on 12/09/2014 | 11:24 PM



Atu garante kualidade implementasaun projetu hotu-hotu iha tinan 2015 ba oin, Governu tenke hahu halakon moras fahe projetu ba amigus ne’ebe maka durante ne’e akontese.
Atu responde konaba kualidade de obra no projetu remata tuir loron ne’ebe determina, tanba ne’e Parlamentu Nasional (PN) rekomenda ba Governu atu halo klasifikasaun ba emprezas antes sira involve iha konkursu publiku.
“Tanba dala barak ita fo projetu ba ita nia amigu, maibe nia implementasaun ne’e sira laiha kbit, ida ne’e maka Ministeriu Obras Publika tenki klasifika hare sira nia kapasidade jestaun, ekipamentus, rekursus humanus para sira manan iha konkursu karik bele implementa projetu tuir kalendariu,”prezidenti komisaun E Parlamentu Nasional (PN), trata ba asuntu Infra-Estruturas, Transporte e Komunikasoens, deputadu Pedro da Costa ba Jornalistas sira Tersa (9/12) horseik iha PN.
Tanba tuir esperensia deputadu Pedro da Costa husi bankada CNRT ne’e hateten, projetu estrada hanesan parte Ermera Hatolia, Ermera Atsabe, Laga ba Baquia no seluk tan ninia implementasaun to’o ohin loron la lao.
Iha fatin hanesan membru komisaun E, deputadu Manuel Castro, hateten to’o ohin loron governu fakar osan barak ba projetu liu-liu estrada, maibe estrada barak kontinua at no laiha kualidade, tanba Governu la kontrola projetu.
“Rotunda agora ne’e at fali ona koa fali tan ona, ne’e projetu sira ne’e maka ita hare Kompañia sira laiha kapasidade tekniku, laiha kapasidade finanseiru, no Governu laiha kontrolu tanba ne’e mak projetu barak la remata tuir data ne’ebe mak determina, partensi area Matadoru husi Balide Raihun valeta nahe hotu ona besi sai fruzu hotu ona, maibe ladauk fui sumente signifika Governu laiha kapasidade de kontrolu,”argumenta deputadu Manuel Castro.
Deputadu bankada FRETILIN ne’e hatutan katak, projetu barak la lao no laiha kualidade ne’e, tanba emprezas sei infrenta finanseiru no mos limitasaun teknikus sira.
Nia espelika mos katak, ejekusaun orsamentu ba tinan 2014 nian ne’e Governu sei la ejekuta hotu iha fim Dezembro fulan ne’e nia laran.
“Hau rona dehan tinan ida ne’e sira hakas an, mas hau hanoin buat sira ne’e sira riba deit ona ba leten. Kestaun ne’e mak ita nia rekursus humanus nato’on mas ita tau osan bot liu fali ne’e duni ejekusaun la tuir ita ninia kapasidade,”deklara membru PN ne’e. rey
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template