Headlines News :
Home » , , , , , , , » Hasae Bandeira, CPD-RDTL Nain 9 Hetan TIR

Hasae Bandeira, CPD-RDTL Nain 9 Hetan TIR

Written By Timor News Online on 12/09/2014 | 12:48 AM



Membru CPD-RDTL nain 9 hetan Termu Identidade Residensia (TIR) hafoin hetan kapturasaun husi P{olisia Nasional Timor Leste (PNTL), foin lalais ne’e.
Polisia kaptura membru CPD-RDTL hirak ne’e tanba hasae bandeira RDTL iha Kuluan, Postu Zumalai, Municipio Covalima, hodi komemora loron proklamasaun independensia ba dala-39 (28 Novembru 1975-2014).
Komandante PNTL Municipio Covalima, Superintendenti Antonio Mauluta, Sesta (5/12), iha Dili, informa katak, polisia halo kapturasaun ba membru CPD-RDTL bazeia ba rezolusaun governu nian ne’ebe “obrigatoriu” taka atividades ilegal hanesan CPD-RDTL, Conselho Revolusaun Maubera (CRM) ho grupu ilegal sira seluk tan.
“Polisia identifika ema 100 mak partisipa iha serimonia hasae bandeira iha Kuluan, maibe ami kaptura mak lideransa sira nain 9,” Mauluta hateten ba Jornalista iha Kuartel Geral PNTL.
Hafoinj kapturasaun, komando PNTL Covalima fo kedas atensaun ultimu atu la bele mobiliza malu tan iha grupu CPD-RDTL nia laran, tanba grupu ilegal ne’e taka tiha ona tuir rezolusaun governu nian.
Iha loron 28 Novembru ne’e, Polisia Baucau halo kapturasaun mos ba membru CPD RDTL nain 4 iha Municipio Viquque no prosesu tomak entrega ona ba iha Ministeriu Publiku.
La Kontente Servisu MP
Husi sorin seluk, Komandante Antonio Mauluta deklara katak, nia la dun kontenti ho servisu Ministeriu Publiku (MP) ne’ebe mak aplika TIR ba elementus arte marsiais sira.
Kontrola fronteira Polisia Unidade Fronteira (UPF), laos Komando Polisia Distritu Covalima,   maibe Maluta dehan, Polisia Covalima so reforsa husi UPF nia kotuk hodi tau matan likus ba seguransa hodi kontrola artemarsiais.
Tuir Mauluta katak, UPF nia servisu diak, tanba bele   halo kapturasaun ba elementu artemarsial, depois hodi entrega mai iha Polisia Covalima hodi prosesu nune’e submete ba iha MP hodi aplika TIR
“Hau hanaoin ho prosesu aplika TIR dala ruma ami hotu Polisia Distritu tantu UPF ami mos dala ruma hare servisu ne’e ba ami senti ladun kontente, tanba ami senti katak, servisu ne’e rezultadu la iha, se’e iha rezultadu minimu tenki ba iha Prizaun preventiva, tanba ema sira sai husi nasaun   ida ba nasaun ida ba kumpri fali orientasaun iha nasaun seluk ne’e viola ita nia lei kodiku penal, “ esplika Mauluta.
   Kona-ba situasaun geral iha lina fronteira Mauluta dehan, situasaun lao kontroladu, tanba Polisia Covalima no UPF kopera kria jogu amijade bebeik iha fronteira. nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template