Headlines News :
Home » , , , , » MOP Lansa Programa R4D, Hahu Dezenvolve Povu Area Rural

MOP Lansa Programa R4D, Hahu Dezenvolve Povu Area Rural

Written By Timor News Online on 12/09/2014 | 12:40 AM



Programa Estrada ba Dezenvolvimentu (R4D) rehabilitasaun no manutensaun nebe halao iha area rural dadaun hatudu komesa dezenvolve ona povu ninia moris iha area rural asesu ba edukasaun, saude no mos asesu ba merkadoria.
Implementasaun R4D ne’e finansia husi Governu Australia no hetan asistensia tekniku husi Organizasaun Internasional ba Traballu (ILO), programa ne’e MOP implementa tiha ona hahu iha Marsu tinan 2012 liu ba ne’e halao ona iha distritu hitu (7) no tuir planu sei halao iha distritu hotu-hotu.
Tantu atu ema hotu bele hatene diak liu tan implementasaun programa refere ninia benifisiu, tanba ne’e Ministru Obras Públika (MOP), Gastão de Sousa, Sesta (5/12) kotuk lansa filme programa R4D iha Terra Santa Resort-Dili.
“Estrada rurais buat ida que importante teb-tebes tanba maioria populasaun ne’e moris iha ne’eba kbit laek, tanba ita hakarak oinsa leva sira nia ekonomia atu nivel moris diak,”Ministro Obras Publika, Gastão de Sousa, ba Jornalistas sira hafoin lansa filme programa R4D nian.
Espelika nia, iha tinan 2013 ne’e MOP aloka orsamentu kuaze U$ 2 millioens ital ba programa refere, no tuir planu iha Orsamentu Jeral do estado (OJE) 2015 nian MOP sei tau U$ 4 millioens ba estrada rurais.
Ministru Gastao hatutan liu tan katak, involvimentu iha obras ne’e kompostu husi parte instituisaun Governu, pardeiru dezenvolvimentu, populasaun no mos kontraktores lokais inklui lideres komunitarius.
Iha fatin hanesan prezidente komisaun E Parlamentu Nasional (PN) trata ba asunto Infra-Etsruturas, Transporte e Comunikasaun, deputadu, Pedro da Costa Martires, hatutan, tuir fiskalizasaun komisaun nota implementasaun programa R4D ninia implementasaun lao diak no ho kualidade.
“Hare ba sira nia preparasaun, planeamentu no finansiamentu ne’ebe MOP halo ho Governu Australia no mos ILO hodi implementa programa projetu R4D ne’ebe que ami hare benifisiu barak teb-tebes ba populasaun iha area rurais hodi asesu ba iha eskola, saude no mos asesu ba merkado agora dadauk populasaun iha area rural asesu ona,”sublinha deputadu Pedro.
Lansamentu ba filme kona-ba Programa R4D ne’e loke direita husi Ministru Obras Publika, Gastao de Sousa, ne’e partisipa husi doadores, membru Parlamentu Nasional husi Komisuan E trata ba asunto Infra-Etsruturas, Transporte e Comunikasaun no mos konvidadus sira seluk. rey
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template