Headlines News :
Home » , , , , , » Rejultadu Ezame Nasional 92% Aprovadu , 8% Reprovadu

Rejultadu Ezame Nasional 92% Aprovadu , 8% Reprovadu

Written By Timor News Online on 12/09/2014 | 11:33 PM



Tersa Feira (9/12) horseik Ministeriu Edukasaun (ME) anunsia ona rejultadu Ezame Nasional ba publiku katak,finalista sira husi sekundariu jeral inkluindu eskola tekniku vokasional 92% mak aprovadu (pasa),no 8% mak reprovadu (la pasa).
Ministru Edukasaun (ME) Bendito Freitas hatete,ensinu sekundariu jeral ho total alunus sira ne’ebe mak tuir ezame nasional ne’e hamutuk 15,273 nune’e hetan aprovadu (liu) 14.125 (92%) nune’e mós hetan reprovadu ka (la liu) 787 (8%) no mos la tuir ezame nasional 361 (3%).
Nia dehan,konaba ba eskola ensinu tékniku vokasional nia total alunus 2.192 ne’ebe mak tuir ezame nasional 2.049 ne’ebe (93,5%) mak hetan aprovadu ka (liu),no mos 70 (3,2%) mak hetan reprovadu ka (la liu) no mos 73 (3,2%) mak la tuir ezame nasional.
Ministru Edukasaun hatutan,konaba 9 (nono ano) ensinu bazíku ho total alunus ne’ebe partisipa iha ezame nasional 22.304 ho nia rejultadu 20.317 (91%) mak aprovadu ka (liu) no mos 1.578 (7%) mak reprovadu nune’e mos 409 (2%) mak la tuir ezame nasional.
ME Bendito Freitas esplika,total alunus hahú husi eskola ensinu bazíku to’o iha eskola sekundariu inkluindu eskola tekniku vokasional ne’ebe inskritu hodi tuir ezame nasional ho nia total 39.769.
Husi total alunus 39.769 ne’ebe inskritu hodi tuir ezame nasional ne’e 36.487 (92%) mak hetan aprovadu ka (liu) no 2.435 (6%) mak hetan reprovadu ka (la liu) no mos 847 (2%) mak la tuirezame nasional.
Ezame nasional ne’e relativu ho anu escolar 2014,hahú iha loron 4 to’o 6 fulan Novembru tinan ne’e,iha distritu 13 ne’ebe teritoriu laran tomak ne’ebe abranze ba alunus sira husi 9 (nono anu) ensinu bazíku 12 (desimu segundu anu) anu ensinu sekundariu jeral no ensinu tekniku vokasional.
Tuir Ministru Edukasaun nia komparasaun tinan ne’e ho tinan kotuk tinan ne’e barak mak la liu ou reprobavu,tamba ministeriu edukasaun hakas an atu hadia kualidade ensinu hodi demostra duni edukasaun ida ne’ebe diak.
ME nia razaun ne’e,tamba atu forma futuru ba nasaun ne’e nian iha area edukasaun laos fo liu deit,maibe kakutak mamuk nune’e presiza hodi taes didiak ba alunus sira ne’ebe mak matenek ho vagazen sientifika sufisiente hodi sai sidadaun ida ne’ebe diak,konsiente no responsavel ba futuru.alm
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template