Headlines News :
Home » , , , , , » Tusan Bo’ot Veteranus Nian Iha PR Taur No PM Xanana Nia Leten

Tusan Bo’ot Veteranus Nian Iha PR Taur No PM Xanana Nia Leten

Written By Timor News Online on 12/09/2014 | 11:18 PM



Prezidente Conselhu Veteranus, Custodio Belo ‘Alin Laek’ hatete katak, veteranus sira nia tusan bo’ot sei iha hela Prezidente da Republika Taur Matan Ruak no Primeiru Ministru Kay Rala Xanana Gusmõ nia leten.
Alin laek hatete lia hirak ne’e iha nia diskursu ba Kongresu Nasional ba da uluk Asosiasaun Rejistensia Timor Leste (ARTL), ho tema, Hametin Paz, Unidade no Dezenvolvimentu Nasioal, ne’ebé hala’o iha Restorante Vitoria Meti-Aut Dili, Segunda (8/12).
Alin Laek dehan, Timor-oan hot-hotu ne’ebé uluk fó apoiu ba rejistensia rai ida ne’e, sei iha hela tusan bo’ot ida.
“Maibé ema ne’ebé, ema ne’ebé maka atu hatan imi nia tusan bo’ot ne’e, maka ema nain rua, ita nia prezidente da Republika, Sr. Taur Matan Ruak, no ita nia Primeiru Ministru Kay Rala Xanana Gusmão, imi nia tusan iha sira nain rua. Tanba uluk sira fó orden liu husi ami fó ba imi. Imi mate, terus hodi hari nasaun,”dehan Alin Laek.
Nia husu husu ba sira ne’ebé hamosu ona estrutura ida ne’e, labele la’o ho lia fuan deit, maibé tenki realiza ho asaun. Tanba kuandu veteranus fahe malu, iha karik mós sei fahe malu.
Alin Laek hatutan, horseik (hodi bainrua) loron 7 de Desembru, no loron refere, husu ba Timor-oan ida-ida atu define ninia posisaun, terus ou hamutuk ho Indonesia.
Alin Laek hatutan, veteranu konbatente livertasaun nasional maka rega rejistensia ida ne’e, maka to’o ohin loron anin hu buras tiha ona. maibé ida ne’e seidauk fó mahon ba veteranus sira.
“Tanba ne’e maka, ami dalaruma la partisipa iha festa ida ne’ebé ke, loron terus nain sira nian. Diak liu iha uma hodi nonton deit para senti seguru, duke ba partisipa fali, maibé fatin laiha, no ema atu baku tan ami,”kestiona Alin Laek.
Nia haktuir, ran veteranus sira ne’ebé mate ona no sira ne’ebé maka sei moris, maka lori hakerek Demokratika Timor Leste independente ne’e, maibé to’o ikus ema la rekuñese.
Alin Laek akresenta, funu hodi liverta rai ida ne’e, uluk ema beik ten sira maka halo, maibé ohin loron persija ema matenek atu liverta fali rai ida ne’e hodi lori dezenvolvimentu ba povu tomak.
Alin Laek dehan, orga nizasaun ne’ebé hari husi veteranus sira ne’e, maka sai hanesan material ida, hodi fó ba ema sira ne’ebé maka edukativu, atu liverta fali rai no povu ida ne’e, hodi hametin paz, no dezenvolvimentu nasional.
Iha fatin hanesan, Prezidente 12 de Novembru Gregorio Saldanha mos hatete katak, hari organizasaun ne’e, importante liu maka atu hamutuk.
Gregorio Saldanha hatutan, organizasaun sira iha tempu rejistensia nian, tenki halibur malu fali, hodi oinsa maka kontribui diak liu ba dezenvolvimentu nasional. Tanba ema barak maka hari organizasaun, maibé hari tiha hotu, husik hela no buka malu lahetan ona.
“Hau hanoin katak, inisiativa hari ARTL ne’e, ho programa diak, hodi hala’o ba asosiasaun nia intrese, hodi orient aba Estadu tomak ninia intrese, atu orienta povu ne’e husi susar oi-oin,”katak Grigorio Saldanha.
Nia dehan, tanba saida maka uluk orienta joven sira atu hamrik hodi kontribui iha rejistensia hodi ohin rai ida ne’e hetan ninia livertasaun. Tanba buat ida ne’ebé maka uluk sai fontes atu fó forsa no inspirasaun ba joven sira uluk maka, ejistensia partidu politiku sira ne’e.
Partidu politiku sira ne’e uluk iha rua, ida maka, Partidu ASDT FRETILIN, no Partidu UDT. Partidu nasionlista rua ne’e, maka inspira joven sira hodi partisipa iha rejistensia atu liverta rai ida ne’e, maske partidu rua ne’e sira nia politika lahanesan.
Grigorio Saldanha haktuir, FRETILIN nia politika ne’e, mate ka moris ukun an iha tepu badak, i UDT nian ne’e ukun an iha tempu naruk.
Maibé iha tempu rejistensia mós joven sira hetan impedementu oi-oin husi ema balu katak, lalika ba perde tempu, tanba Indonesia manan tiha ona.
“Hau hein katak, ARTL sei organiza malu, atu atu iha andamentu, hodi define saida maka sai prioridades hodi ita halo hamutuk,”afirma Grigorio Saldanha.
Alende ne’e, Xefe Suku Meti-Aut Julio da Costa Xavier mós hatete katak, uluk veteranus maka rejistensia, no agora mos veteranus sira tenki kontinua halo rejistensia nafatin.
“Sei ita la fanun, se maka atu fanun tan, ita tenki esforsu an nafatin. Maibé ita nia konsiderasaun ne’e maka importante liu, lablee ita nia ambisaun, tanba ita hamutuk maka bele,”katak nia.
Nia hatutan, labele tau intresem pesoal iha organizasaun nia lara, no laos ohin halo kongresu, i aban buka malu lahetan malu fali ona, tenik Julio.
Asosiasaun Rejistensia Timor Leste hamrik tanba Timor Leste sei iha buat barak ne’ebé persija atu hadia. Tanba ne’e, atu hadia persija rejistensia sira nia kontribuisaun.
Rai ida ne’e sei persija rejistensia sira nia kontribuisaun no hanoin diak, ne’ebé persija tau hamutuk hodi lori dezenvolvimentu ida ne’e ba oin. Ho inisiativa fundador ARTL nain 26 ne’e hari ARTL ne’e. Tuir ajenda, kongresu nasional ARTL ne’e, sei hili mós estrutura ba organizasaun refere.tap
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template