Headlines News :
Home » , , , , , » Atake Iha Saelari, PNTL Identifika Autor Nain 11

Atake Iha Saelari, PNTL Identifika Autor Nain 11

Written By Timor News Online on 1/20/2015 | 7:47 AM



Polisia Nasional Timor Leste (PNTL) identifika ona autor nain 11 mak involve iha kazu atake membru PNTL Eskuadra Laga iha Suku Saelari, Postu Laga, Municipio Baucau, foin lalais ne’e.
Longuinhos Monteiro hateten, prosesu investigasaun lao no promosoens de mandatu mos haruka ona ba iha Tribunal Baucau.
“Pelumenus ita identifika ona autoiris nain 11 ke bele dehan ita idisidi hanesan autor de krimi ba asaltus ka terror nomos tentaivas homosidu ne’ebe maka halo ba membrus Polisia,” informa Komandante Geral PNTL Komisario Longuinhos Monteiro ba Jornalista sira liu husi konfrensia da imprensa iha salaun konfrensi da impensa Ministerio Negosiu Estranzeiro Coperasaun Pantai Kelapa, Dili, Segunda (19/01/2015).
Mauk Moruk ho nia grupu halo atake hasoru autoridade seguransa hodi rezulta membru PNTL eskuadra Laga nain 2 kanek todan, inklui nain 2 ne’ebe mak sira kaptura no halo torturasaun.
Alerta ne’ebe mak grupu Mauk Moruk halo hasoru PNTL konsege prende mos pistola rua husi membru PNTL ne’ebe mak sira taa no kondisaun fizika todan.
“membru PNTL sira ne’ebe kanek lori ona mai hospital hodi hetan tratamentu intensivu,”haklaken Longuinhos Monteiro.
Ba membru grupu Mauk Moruk ne’ebe mak sei halai subar hela iha ai-laran, polisia ho F-FDTL sei buka tuir nafatin hodi kaptura hotu kedas sira para aprezenta ba justisa.
Oras ne’e situasuan iha Saelari kontroladu ona, tanbas F-FDTL ho PNTL okupa tiha ona fatin konsentrasaun grupu Mauk Moruk nian. nune’e, komunidade sira mos ida-idak fila ona mai sira nia uma hodi halo atividades hanesan bai-bain. nax
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template