Headlines News :
Home » , , , , , , , » Atu La Afeta Ezekusaun OJE Remodelasaun Governu Masimu Fevereiru

Atu La Afeta Ezekusaun OJE Remodelasaun Governu Masimu Fevereiru

Written By Timor News Online on 1/08/2015 | 3:29 AM



Dekanu Universidade Nacional Timor-Lorosa’e (UNTL) relasaun públiku, Antero Bendito da Silva, observa katak, remodelasaun no re-estruturasaun tenki halo lalais tamba liu fulan Fevereiru tinan ida ne’e bele afeta ba ezekusaun Orsamentu Jeral Estadu (OJE) 2015 nian.
“Aprovasaun ne’e iha inisiu do ano, se estruturasaun ne’e lalais liu, lalais katak labele liu fulan Fevereiru implementasaun orsamental sira ne’e bele la’o porque mais tarde iha tiha Marcu ka Abril sei iha implikasaun katak orsamentu sei ezekuta la hotu i defisil liu tan,”dehan Dekanu UNTL, Antero Bendito da Silva ba jornalista iha nia servisu fatin, Kampus UNTL, Caicoli, Dili, Kuarta (07/01).
Nia hatutan, husi estrutura Governu ne’ebé maka boot sei iha impaktu ba orsamentu tamba sei redusaun iha salarial.
“Ha’u haree bele Governu bo’ot bele implikasoens mós ba orsamentu mós redus, maibe ne’e redus iha area salarial estrutura nian maibe ba iha staff (funsionario) sira ne’ebé iha Ministerio sira ne’e nafatin deit, entaun laiha implikasaun ida ne’ebé boot,”dehan nia.
Dosente ne’e duvidas ba ezekusaun OJE 2015 nian tamba sei mosu remodelasaun no re-estruturasaun iha iha estrutura Governu nian.
“Agora dadauk ne’e osan ida US$ 1.5 Billoens ne’e bele implementa hotu ka lae,”Dosente ne’e hateten ho preokupa makas.
Iha parte seluk Xefe bankada partido Congresso Nacional de Reconstrucção Timorense (CNRT), Natalino dos Santos, hateten iha Parlamentu Nasional (PN) katak sei la afeta ba OJE 2015 nian tamba orsamentu foin promulga iha dia 30 de Dezembro tinan kotuk (2014).
“Ita haree foin maka ita aprova orsamentu ita tenki haree re-estruturasaun no remodelasaun ninia modelu ne’e halo nusa tamba sei afeta ba iha orsamentu,”dehan Xefe bankada CNRT, Natalino dos Santos.
Iha remodelasun no re-estruturasaun ne’e maka elimina duni estrutura Governu nian entaun presiza halo ajustamentu ba orsamentu ba Ministerio no Sekretariu Estadu sira seluk ne’ebé maka la remodela ka la hasai.
Maske nune’e bankada partidus politikus iha PN apoiu ba Primeiru Ministru (PM), Kay Rala Xanana Gusmão hodi halo remodelasaun no re-estruturasaun ba Governu, tanba ne’e PM Xanana nian kompetensia.dgx
Source: JN Diairu
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template