Headlines News :
Home » , , , , , » Ema Soe Bomba Iha embaxada EUA – Sedu Liu Iha Ligasaun ho Mauk Moruk

Ema Soe Bomba Iha embaxada EUA – Sedu Liu Iha Ligasaun ho Mauk Moruk

Written By Timor News Online on 1/20/2015 | 7:22 AM



Komandante Geral PNTL, Longuinhos Monteiro hatete,ema deskonhesidu nebe soe granada iha residensia funsionariu Embaxada Estadus Unidus Amerika (EUA) sedu liu atu hola konklusaun katak iha relasaun estrategiku ho Mauk Moruk. Maske nune sei iha investigasaun hodi hare hahalok ne’e iha duni relasaun ka lae.
Explika kona akontesimentu ne’e, Longuinhos hateten tan katak,sedu liu atu hateten se los maka soe granada ne’e, nomos sedu liu hateten katak ema nebe soe granada ne’e iha relasaun estrategiku ho Mauk Moruk.
Domingu kalan (18/01/2015), tuku 22:15 OTL, soe granada ba iha residensia funsionariu Embaxada Estadus Unidus da Amerika (EUA) nebe halo komunidade iha parte Marconi, Pantai Kelapa to’o mai Luro Matan ho Fatuhada nian, hakfodak ho tarutu bot.
Komunidade sira trauma liu tan, wainhira liu minutu balun nia laran deit, autoridade polisia ho membru F-FDTL kareta hicom rua halai ho velosidade no loke lampu emerjensia (sirene) nadodon liu ba Embaixada Estadu Unidos America (EUA) nia kotuk.
Husi ibun ba ibun, ema hirak ne’ebe hela besik deskunfia espluzaun ne’e la’os buat ki’ik, maibe talves bomba ruma mak rebenta. Ho nune’e, informasaun ofisial sira fo sai katak, kalan neba ema deskonhesidu sira mak soe granada husi moru kotuk ba residensia staff embaixada EUA nian iha moru laran embaixada nian.
Akontesimentu ne’e rezulta moru uma staf embaixada nian ne’e kuak, vidru balun rahun, inklui kareta ida nia roda 4 nakfera hotu alias kareta hakdasak kedas.
Maske la rezulta ema ruma mate, maibe kazu ne’e hamosu paniku boot ba embaixada EUA ho komunidade sira ne’ebe hela besik embaixada.
Iha Segunda (19/01/2015), Ministerio Negosiu Estranzeiru Coperasaun (MNEC) kria kedas sormutuk ida ho diplomata sira iha Dili hodi kulia kona-ba situasaun rai laran, inklui fahe mos informasaun ba malu sobre akontesimentu Saelari ho tan Granada rebenta iha residensia funsinariu Embaixada EUA.
“Kazu ema soe granada ba residensia staf Embaixada UEA nian ne’e iha ona investigasaun,” hateten Vise Ministru MNEC, Constancio Pinto, liu husi konferensia imprensa iha Salaun konferensia MNEC.
Constancio Pinto husu ba diplomata sira atu koopera ho Governu,hodi fahe informasaun ne’ebe bele benefisia ema hotu no kontribui ba dezenvolvimentu nasional.
Komandante Longuinhos hateten tan katak Iha investigasaun nia laran maka bele foti konkluzaun mesmu ke ita alertadu loron tolu ona antes buat ne’e mosu.
Nudar Komandante Geral ba PNTL, Longuinhos simu informasaun katak, iha ona orientasaun ba grupu balun hodi halo disturbiu iha Dili laran.
Longuinhos Monteiro husu ba populasaun sira atu lalika paniku no tauk, maske iha kalan hirak ne’e nia laran sei iha movimentu seguransa halo auto stop.
“Hau husu dala ida tan ba komunidade sira karik iha auto stop la bele kebra (halai). Se halai, hau husu diskulpa ami hola asaun seriu imi para para identifika imi nia an atu la bele akontese buat ne’ebe ita hotu la espera,” afirma Longuinhos Monteiro. nax
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template