Headlines News :
Home » , , , , , , , , , » KM Aprova Ona Dekretu Lei ZEESM

KM Aprova Ona Dekretu Lei ZEESM

Written By Timor News Online on 1/15/2015 | 2:21 AM

Sekretariu Estadu Konsellu Ministru, Avelino Coelho informa katak, enkontru Konselhu Ministru (KM) Tersa feira (13/01) (horibainruak), diskuti no aprova ona dekretu lei kona-ba Rejiaun Administrativa Espesial Oe-cusse Ambeno.
Avelino Coelho hatutan katak, dekretu lei ne’e, koalia deit kona-ba estatutu administrativa Oe-cusse Ambeno nian. Tanba maske lei ne’e iha ona, maibé dekretu lei ne’e atu defini ninia org’anika no buat seluk tan.
“Enkontru Konsellu Ministru horseik (hori bainruak) ne’e, aprova dekretu Governu balun, liu-liu dekretu lei kona-ba Rejiaun Administrativa Espesial Oe-cusse Ambeno,” informa Avelino Coelho ba Jornalista sira Kuarta feira, (14/01) iha Palácio Governu.
Nia hatutan, dekretu lei ne’e, sei lori ba Prezidenti da Repúblika, hodi Xefi Estadu ne’e, bele promulga no publika, para autoridade Rejiaun Oe-cusse Ambeno ne’e, bele funsiona.
Nia dehan, enkontru Konsellu Ministru iha loron Tersa ne’e mós, halo alterasaun ba lei divizaun administrativa.
“Dekretu lei ne’e, koalia kona-ba estatutu Administrativu Oe-cusse, tanba lei maka defini kriasaun Rejiaun Administrativa i dekretu lei ne’e koalia kona-ba orgánika, kompeténsia no estrutura servisu tomak,”katak Avelino Coelho. Maibé lei kona-ba lei eleisaun Municipál sei iha diskusaun hela, maibé lei ne’e mós iha tempu badak Konsellu Ministru sei aprova.
Nia haktuir, lei ne’e sei iha diskusaun hela, tanba sei haree fila-fali hodi hadia buat balun. Alénde ne’e nia mós informa katak, Lei resensiamentu eleitoral mós sei iha diskusaun hela.tap
Source: JN Diairu
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template