Headlines News :
Home » , , , , , , , , » KOK Kaptura Membru CRM Hamutuk 24

KOK Kaptura Membru CRM Hamutuk 24

Written By Timor News Online on 1/20/2015 | 7:44 AM



Komandu Operasaun Konjunta (KOK) ne’ebé mak hala’o operasaun iha Suku Saelari, Postu Administrativu Laga, konsege kaptura ona membrus Conselho Revolução Maubere (CRM) hamutuk 24.
Husi ema na’in 24 ne’e na’in 13 kaptura iha Saelari, iha Segunda (19/01), ida (1) kaptura iha Lospalos iha Sesta feira (15/01) no na’in 10 seluk kaptura iha suku Saelari, iha Kinta feira (14/01).
Komandante Polisia Nasional Timor Leste (PNTL) municipio Baucau, Superintendenti Xefi José M, Neto Mok informa katak, husi ema na’in 13 ne’ebé mak kaptura iha Segunda (19/01) ne’e kompostu mane 10 no feto na’in inklui Mauk Moruk nia porta voz José Subarno nia fen ne’ebé Polisia kaptura iha Rau Moko, área Lospalos nian.
“Ita nia forsa operasaun konjunta iha terrenu halo duni operasaun ba iha área ne’ebé mak ita deskonfia no konsege hetan suspeitu na’in 13 no agora dadaun sei submete hela ba prosesu investigasaun,” informa José Neto Mok ba Jornalista sira iha nia knar fatin, Segunda feiral, (19/01) lokraik.
Nia hateten katak, suspeitu na’in 12 ne’e kaer iha Saelari.
“Husi suspeitu na’in 13 ne’e autór mós iha laran hotu ne’ebé ita hein prosesu investigasaun la’o tiha mak ita bele fó sai para públiku hatene sé-sé mak iha laran, ninia involvimentu ne’e parte husi ne’ebé, para ita hatene nia indikasaun autór iha laran. Husi Suku Saelari rasik suspeitu na’in 12 kaer iha parte área suku Saelari nian no na’in ida mak kaer iha área Rau-Moko parte Municipiu Lautem nian”, nia hateten.
José Neto Mok hatutan katak, hotu- hotu tenki kopera hamutuk ho justisa para bele hatene lolos autór prinsipál ba kazu ne’e lori ba tribunál. No sira ne’ebé mak lainvolve husik fila fali.
Komandante PNTL munisipiu Baucau ne’e informa tan katak, forsa opersaun konjunta halo patroilamentu iha área Saelari ba to’o iha fronteira munisípiu Lautem hodi buka tuir suspetu balun ne’ebé mak koko atu subar-an.
Nia hatutan katak, konaba membru ida ne’ebé ho inisial M ne’ebé mak kaer iha área Laivai tuir ona prosesu primeiru interogatóriu iha Polisia Baucau no kumpri ona 72 oras.
Membru M ne’e polisia kaptura, tanba nia koko atu halai wainhira haree hetan polisia.
“Ema na’in ida deit maka polisia lospalos kaer, mas membru seluk-seluk halai hotu. M ne’e ema Baucau nian duni, polisia tun ba terenu entaun tauk nia halai ba Laivai ne’eba ne’e maka ita nia polisia halo chek point no konsege kaer duni nia”, hateten José Neto Mok ba Jornal Nacional Diário Sábadu (17/01) iha Tipografia Baucau wainhira partisipa iha festa natal hamutuk entre membrus PNTL munisipiu Baucau.
José Neto Mok mós informa katak, sira na’in 10 seluk ne’ebé mak Polisia kaer husi Saelari mai ne’e mós halo ona investigasaun no husi fila fali ona.
“Maib’e faktus seidauk sufisiente atu ita kondena ema hirak ne’e ninia involvimentu. Maibé ita sei buka nafatin informasaun. Bainhira iha identifikasaun mak detekta duni katak, ema hirak ne’e hola parte hotu iha grupu ida ne’e entaun ami sei bolu fila fali sira”, dehan José Neto Mok.
Komadante Jose Neto Mok hateten relasiona akontesimentu saelari kinta (15/01) lokraik ne’ebé hakanek membru polisia nain hat no sunu kareta polisia ida, hodi halo populasuan iha área ne’ebá trauma, agora dadaun Komando Jeral ho komando município Baucau hahú Sesta (16/01) monta ona postu seguransa permanente iha suku Saelari ne’ebá para f’o fali garantia seguransa ba komunidade sira. “Tanba ho akontesimentu ne’e komunidade suku Saelari barak mak trauma no husik hela sira uma. Entaun polisia tenki asegura fila fali fatin ne’ebá para hodi bele fó konfiansa para komunidade sira fila fali mai sira nia hela fatin”, dehan nia.res
Source: Diariu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template