Headlines News :
Home » , , , , , , » Konfrontu Baucau “Hadaet” Mai Dili

Konfrontu Baucau “Hadaet” Mai Dili

Written By Timor News Online on 1/08/2015 | 3:40 AM



Konfrontu entre grupu juventude iha Municipo Baucau “komesa” daet ona mai Dili. Nune’e maka, grupu juventude lubun boot ida ho kroat halo “asaltu” ba grupu juventude seluk ne’ebe hein hela vitima nain 3 mak halo outopsia iha Hospital Nasional Guido Valadares (HNGV), Dili, Domingu (04/01/2015).
Husi asaltu malu ne’e maske la rezulta vitima, maibe polisia konsege kaptura suspeitu nain 33 ne’ebe dekonfia sai membru ba grupu artes marsisiais (GAM) balun.
Suspeitu nain 33, Kuarta (07/01/2015), submete ona ba primeira interogatoriu iha Tribunal Distrital Dili (TDD) ne’ebe fahe ba parte dader no lorokraik to’o kalan.
Antes aprezenta an iha TDD, suspeitu hirak ne’e kumpri hikas ordem hodi detein durante oras 72 nia laran iha sela Polisia Distritu Dili.
Suspeitu nain 33 ne’e halo perturbasaun iha areadores HNGV nian hodi espresa sira nia vingansa hasoru grupu artes marsiais balun ne’ebe mak deskonfia “oho” sira nia maun-alin iha konfrontus Municipio Baucau.
La’os ne’e deit, iha mos grupu arte marisiais balun ultra pasa ordem publiku hodi halo fali auto stop ida estrada publiku para buka tuir membru arte marsiais balun.
Audensia primeiru interogatoriu ne’e preside husi Juiza Zulmira da Silva, Ministeriu Publiku (MP) reprezenta husi Prokuradora Remizia Fatima no suspeito hirak ne’e hetan asistensia legal husi advogado privadu Pedro Aparicio Guterres no advigado estajiario sira.
Buka Suspeitu Bebonuk
Husi sorin seluk, Polisia Nasional Timor Leste (PNTL), buka tuir hela suspeitu ne’ebe maka sona mate joven ida iha Bebonuk, Dili, iha loron 24 Dezembru 2014.
“Iha Dili ita identifika tiha suspeitu, agora dadauk iha faze operasaun, prosesu lao hela, selu tarde ita simu mandatu husi Judisiario hodi ita ezekuta mandadu ida ne’e,”esplika Komandante Operasaun PNTL, Superentendente Xefi Armando Monteiro ba Jornalista   iha Kuartel Geral PNTL.
Armando Monteiro hatutan, insidenti ida ne’e iha indikasoens ligadu ho konflitu grupu arte marsiais ne’ebe mak Governu taka ona liu husi dekretu lei.
“Ligadu ho akontesmentu ida ne’e iha indikasoins, maske iha organizasaun ne’e la ijisti ona, maibe konflitus ne’e sei lori organizasaun pasadu ninian nune’e hodi halo asaltu kauza ba ema mate. Tanba ne’e maka esfosu husi parte hotu-hotu hodi hapara asaun no anarkismu ne’ebe maka foin dadauk nain hat ne’ebe maka mate durante priode natal no tinan foun ida ne’e. Nain ida mate iha Dili nomos nain tolu mate iha Munisipiu Baucau,” hateten Armando Monteiro.
“Ita nia administrasaun Distrital, Adminitrasaun de Postu servisu diak liu husi koperasaun ida ne’e halo dialogu no aprosiasaun ba ita joventude sira iha kapiatl Dili, tanto mos iha Baucau ohin loron situasuan lao kalma no hakmatek,”tenik Armando Monteiro. may/nax
Source: JN Diairu
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template