Headlines News :
Home » , , , , , , , » La Sama Konsidera, Hahalok Mauk Moruk Hanesan Terorista

La Sama Konsidera, Hahalok Mauk Moruk Hanesan Terorista

Written By Timor News Online on 1/20/2015 | 7:52 AM



Vise Primeiru Ministru Fernando La Sama de Araujo hateten katak, hahalok Paulino Gama ‘Mauk Moruk’ ne’e, Governu konsidera hanesan rebeldes no terorista ona, tanba halo fali atakes ba forsa Estadu nian ne’ebé hetan orden hodi hala’o servisu.
“Ha’u hanoin atetudi ida ne’ebé maka maluk sira halo ne’e, labele tolera ona. Ne’e hanesan rebeldes, hanesan terorista,”dehan La Sama ba Jornalista sira Segunda, (19/01) iha Palácio Governu.
La Sama hatutan, Mauk Moruk tenki kolabora ho autoridade Estadu ninian, para fó solusaun ba moris hakmatek povu no Estadu ida ne’e nian.
“Mauk Moruk ne’e, agora dadauk operasaun la’o hela, i ida ne’e buat ida ne’ebé maka labele tolera tenki kaer duni, atu ba to’o iha ne’ebé no subar to’o iha ne’ebé mós diak liu intrega an,”katak La Sama.
Tanba ne’e, La Sama husu ba povu Timor tomak, li-liu ba joven sira atu labele monu ba manobra sira hanesan ne’e. tanba kuandu Timor-oan sira fraku, ema seluk bele aproveita situasaun hodi halo manobra tu’un sa’e.
La Sama husu ba Timor-oan hotu atu akompaña situasaun hotu iha rai laran, hodi bele iha sentimentu domin ba rai ida ne’e.
“Tenki hadomi maun sira ne’ebé uluk halo funu naruk bo’ot ba rai ne’e ukun rasik an. Maibé depois ukun rasik an tiha, Mauk Moruk maka direji fali buat hahalok at ida hanesan ne’e. hau atu koalia lolos katak, ida ne’e buat ida ne’ebé labele tolera,”tenik La Sama.
Nia hatutan, hahalok grupu Mauk Moruk nian ne’e, nia atu halai ba to’o iha ne’ebé mós, nia tenki responsabiliza ba sira nia hahalo ida ne’e, iha Tribunal.
Antes ne’e, grupu Mauk Moruk halo atake ba Polisia iha Suku Saelari, Postu Lagal Municipiu Baucau, hodi rezulta membru Polisia nain rua kanek no grupu ne’e mós detein membru Polisia nain rua.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template