Headlines News :
Home » , , , , , » Lu-Olo: Liberdade Ona Balu Sei Presiza Nafatin Ran No Kulit

Lu-Olo: Liberdade Ona Balu Sei Presiza Nafatin Ran No Kulit

Written By Timor News Online on 1/20/2015 | 7:34 AM



Prezidenti Partidu históriku FRETILIN, Francisco Guterres ‘Lu-Olo’ hateten katak, maske ohin loron Timor Leste (TL) livre ona husi presaun oi-oin, maibé ema balun sei buka atu kria instabilidade hodi buka nafatin ran no kulit. “Ohin loron laiha tan ona ran no kulit, maibé balun sei presiza nafatin ran, hanesan lakoresponde ba ita nia moris lor-loron. Ida ne’e lójika lahanesan ona iha tempu uluk, sé lapresiza tan ona ran ho kulit iha tempu ida ne’e,”dehan Lu-Olo iha nia diskursu ba selebrasaun loron manifestasaun ne’ebé joven Timor-oan sira halo iha tinan 1990, iha Hotel Turismu aktual Novo Turismo (NT), Lecidere-Dili, Sábadu, (18/01).
Lu-Olo dehan, povu ida ne’e presiza hakmatek no hadia sira nia moris, tanba saida maka balu hakarak lori violensia hodi rezolve problema. Valores ne’ebé maka Timor-oan sira iha husi tempu rezisténsia nian, ema hakarak atu hamihis valor Timor-oan sira nia hotu.
Tanba ne’e, presiza atu kaer metin valores sira ne’e. Ema hakarak atu halo lakon valores sira ne’e, maibé labele, tanba buat ida-idak iha nia tempu.
“Iha tempu ida agora, ita presiza buka hadia ita nia propresaun funu valores ne’ebé maka ita iha ne’e para hodi forma nasaun ida, ida ne’e maka importante liu. Maibé importante maka ita ema ne’e tenki komporta ho valores moral, etiku, religiojus kulturais no sosiais,”katak Lu-Olo. Tanba ho valores sira ne’e hotu maka bele sai povu ida no nasaun ida ho dignidade. Maibé balu la hanoin hanesan ne’e, dalaruma balu provoka ona, ida ne’e tudik no aipedasuk maka ba resolve.
“Sa nasaun no Estadu ida maka sai hanesan ne’e?, hau hanoin ida ne’e ita lahanoin ba dala rua, no lahanoin ona valores sira ne’e, li-liu la fiar ona ba an rasik katak, buat ne’ebé maka ita hetan, iha alternativa seluk ida hodi resolve problema seluk ida afeita ita nia moris rasik,”tenik Lu-Olo.
Dalaruma problema ki’ik oan ida maka mosu, maibé kuandu lahatene resolve, bele sai problema bo’ot ne’ebé at liu tan. Lu-Olo dehan, jerasaun tuan sira seidauk mate hotu, no jerasaun foun sira hakarak fó sira nia kabas hodi jerasaun foun sira bele sama hodi hateke ba oin atu lori rai ida ne’e ba oin.
“Maibé maka ida ne’e, labele sama fali katuas ka jerasaun tuan sira nia ulun, sei ita sama katuas sira nia ulun, rai ida ne’e la ba oin. Maibé balu seidauk komprende saida maka jerasaun sira uluk halo,”tenik Lu-Olo.
Lu-Olo esplika, nia dehan tempu lahanesan, tanba jerasaun tolu ona maka tu’ur iha Timor Leste, hanesan jerasaun 1975 nian, jerasaun tuir mai tan no jerasaun ida ne’ebé maka halo manifestasaun iha hotel Turismu ne’e ho 12 Novembru nian, no jerasaun ida tan maka sira ne’ebé bo’ot iha indenpendensia nia laran ne’e.
“Hau lori haksolok bo’ot teb-tebes, tanba ita bo’ot sira nia korazem ne’ebé la menus iha tempu ne’ebé difisil, atu hakat ba oin nafatin. Hau hakarak atu hatete katak, ita moris lahanesan, ita nia logika mós lahanesan, maibé hot-hotu hakat mai ho valor ida deit, maka to’o iha ohin loron,”relata Lu-Olo.
Tanba ne’e maka, Timor Leste hola ninia logika ne’e diferente. Ho hahalok no pratika ne’ebé maka grupu joven sira ne’e hatudu iha momentu ne’eba, hanesan faktus ida ba nasaun no povu ida ne’e.
Lu-Olo dehan, faktus ida ne’e, lori valores ida ba Timor-oan tomak ninia hanoin atu bele hetan ukun rasik an ida ne’e. se laiha asaun sira ne’e, Timor Leste mós difisil atu hetan ukun rasik an ida ne’e. “Tanba ne’e maka hau hatete, balun uluk, balu tuir no balu tuir tan, maibé ita hotu hetan dalan ida deit para atu la’o to’o mai agora ne’e,”esklarese Lu-Olo. Nia haktuir, agora ne’e iha tempu ida ne’ebé hakmatek nian, no tempu ida ne’ebé atu hala’o dezenvolvimentu ba rai ida ne’e nian. Tanba Estadu maka Timor-oan hotu hakarak transmiti kona-ba asaun ne’ebé joven Timor-oan sira halo iha momentu ne’eba. Tanba ne’e maka, Lu-Olo dehan, iha tempu ukun rasik an, hot-hotu hakarak lori liverdade ida ne’e maka bo’ot liu ba Timor-oan hotu.
“Dalaruma ita hodi liverdade ida ne’e, atu halo diversionazem ba ita nia an rasik, halo liverdade ba ita nia an rasik. Entaun ida ne’e la fó valor ba liverdade ida ne’ebé atu bele sai hanesan ema hodi bele partisipa buat ida ne’ebé ho valor para atu hakat ba oin,”katak Lu-Olo.
Sela’e ema ida-ida mai ho ninia estatutu, maibé Estadu nia hakarak mak ne’e, sakrifisiu ida ne’e, ema balu kuandu aseita maka bele fó. Asuwain sira iha tempu susar nia laran sira fó ona, to’o sira hatete katak, kuandu presiza tan ran no kulit, sira pronto atu fó nafatin, afirma Lu-Olo.tap
 source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template