Headlines News :
Home » , , , , , , , » Mandatu La To’o Tinan 5, Laiha Pensaun Vitalisia

Mandatu La To’o Tinan 5, Laiha Pensaun Vitalisia

Written By Timor News Online on 1/08/2015 | 4:02 AM

Vice Prezidente Komisaun A Parlamentu Nasional, Natalino dos Santos Nascimento, deklara, Governante ne’ebé maka sei hetan remodelasaun maka mandatu la to’o tinan lima (5) keta mehi hetan pensaun vitalisia (PV) maibe simu deit mak subsidiu reintegrasaun.
“Ha’u hanoin sira sei hetan subsidiu reintegrasaun tamba durante tempu sira presta ona sira nian servisu ba Estadu,”dehan Vice Prezidente Komisaun A, Natalino dos Santos ba jornalista iha nia servisu fatin, sala bankada partido Congresso Nacional de Reconstrucção Timorense (CNRT) iha PN, Kuarta (07/01).
Deputadu CNRT ne’e hateten, montante subsidiu reintegrasaun ba Governante sira ne’ebé maka sei hetan re-estruturasaun ka remodelasaun nia parte la hatene loloos maibe nia fiar katak sei iha subsidiu duni.
“Se sira to’o lei ne’ebé iha sira sei hetan pensaun vitalisia maibe seidauk to’o tempu sira hetan deit espesies de subsidio reintegrasaun para depois de tempo sira bele buka fali servisu seluk, maibe atu koalia kona ba remodelasaun no re-estruturasaun ne’e kompetensia Primeiru Ministru nian,”Natalino dos Santos hateten.
Kuadrus partidu CNRT ne’e esplika katak, iha Kuatru (IV) Governu Konstitusional uza estrutura ida no mai iha Kintu (V) Governu Konstitusional uza estrutura seluk boot liu hodi halo komparasaun estrutura rua ne’e maibe nota katak presiza duni halo remodelasaun no reestruturasaun iha V Governu Konstitusional tamba estrutura Governu boot demais.
Deputadu ne’e hatutan, membru Governu sira atu ajuda Primeiru Ministru maibe Primeiru Ministru haree katak membru Governu sira laiha kapasidade, la komitmentu para atu ajuda politika V Governu hakarak ka lakohi Primeiru Ministru hasai sira.
Deputadu ne’e husu ba membru Governu sira iha V Governu Konstitusional atu dedika an tomak hodi servi povu, labele halo viajen ba rai liur maka barak doque iha rai laran.
Prezidente bankada CNRT ne’e afirma katak, durante iha Ministerio no Sekretariu Estadu balun la orienta, la kontrola no la aktualiza programa ne’ebé maka iha tamba ne’e directores iha diresaun sira hala’o servisu tuir sira nia hakarak deit.
“Sira lori programa liu husi Governu Bloku Koligasaun nian hodi atinji programa ida ne’e maibe kada ves membru Governu balun ladun apar ho planu Governu nian, netaun laiha efisensia no laiha efikasai duni iha Ministerio sira,”dehan nia.
Nia afirma, bankada CNRT apoiu total ba V Governu hala’o mandatu to’o remate tamba ne’e maske Governante ne’ebé maka hetan remodelasaun ka re-estruturasaun tantu husi partidu CNRT no Partido Democratico (PD) no Frente Mudansa (FM) sai para fo fatin ba ema seluk hodi servi povu ida ne.e
“Koligasaun ne’e solidu nafatin atu hala’o mandatu to’o hotu maibe iha remodelasaun no reestrutrasaun iha Governu, ha’u sente partido koligasaun PD no Frente Mudansa mós konsiente sei fo apoio ba Primeiru Ministru,”Prezidente bankada CNRT, hateten.
Iha parte seluk dekanu Universidade Nasional Timor-Leste (UNTL) relasaun públiku, Antero Bendito da Silva, hateten, PM Xanana Gusmão iha intensaun forte duni hodi halo re-estruturasaun no remodelasaun.
Nia hatutan, la’os husi PM deit maibe husi mós eis Prezidente Repúblika, José Ramos Horta no eis Primeiru Minsitru (PM), Mari Alkatiri para atu halo remodelasaun no re-estrutrasaun ba Governu tamba V Governu Konstitusional ne’e bo’ot tebes.
“Primeiru Ministru iha intensaun forte duni atu halo re-estruturasaun i la’os deit husi Primeiru Ministru maibe ita mós rona husi ema importante sira hanesan eis Prezidente, Horta no eis Primeiru Ministru, Mari Alkatiri talves iha ona desizoens ruma koletivu entre sira,”dehan Antero Bendito da Silva.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template