Headlines News :
Home » , , , , , » Mauk Moruk Tenki Hapara Movimentu Hanesan Forsa

Mauk Moruk Tenki Hapara Movimentu Hanesan Forsa

Written By Timor News Online on 1/15/2015 | 3:25 AM

Prezidente Komisaun B ne’ebé trata asuntu Negosio Estranjeiru, Defeza no Seguransa, David Dias Ximenes, hateten, eis Prezidente Konsellu Revolusaun Maubere (KRM), Paulino Gama “Mauk Moruk” labele halo tan ona aktividade ka movimentu hanesan forsa.
“Hasa’e bandeira ne’e buat ida, halo movimentu ne’e buat seluk. Hasa’e bandeira la’os sira deit maka hasa’e bandeira, ema emprezario sira mós hasa’e bandeira, sidadaun ida bele hasa’e bandeira maibe movimentu ne’ebé hanesan fali forsas armadas ne’e maka labele, ne’e artigo 43 pontu 3 Konstituisaun ne’e labele,” Prezidente Komisaun B ne’ebé trata asuntu Negosio Estranjeiru, Defeza no Seguransa, David Dias Ximenes informa ba jornalista sira iha sala komisaun B PN, hafoin partisipa iha enkontru entre PN no komando F-FDTL no PNTL, Kuarta (14/01).
Deputadu husi bankada opozisaun Frente Revolusionario Timor-Leste Independente (FRETILIN) ne’e hateten, karik Mauk Moruk kria tan fali grupo, ne’e problema, Estadu presiza fo atensaun.
“Se karik grupo ona ne’e problema oin seluk ne’e ita haree took dezenvolvimentu ne’e oinsa depois maka Estadu sei hatene maka informa ba ita bo’ot sira,”dehan nia.
Tuir informasaun katak oras ne’e dadauk eis Komandante Brigada Vermella iha tempu rezistensia, Mauk Moruk halibur fali nia elementus sira hodi dada sa’e bandeira iha Lalulai, Sub-Distritu Laga, Distritu Baucau nian.dgx
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template