Headlines News :
Home » , , , , » PN Diskuti Situasaun Rai Laran Ho Komando F-FDTL no PNTL

PN Diskuti Situasaun Rai Laran Ho Komando F-FDTL no PNTL

Written By Timor News Online on 1/15/2015 | 2:42 AM



Parlamentu Nasional (PN), Kuarta (14/1), diskuti situasaun rai laran nian ho Komando FALINTIL Forsa Defeza Timor-Leste (F-FDTL) no Polisia Nasional Timor-Leste (PNTL), atu fo atensaun makas liu tan.
Partisipa iha diskusaun ne’e maka Prezidente Parlamentu Nasional (PN), Vicente Guterres, Xefe Estadu Maior F-FDTL, Major Jeneral Lere Anan Timur no Komandante Jeral PNTL, Longuinhos Monteiro inklui komandante Polisia Distritu Dili, Pedro Belo no lideres bankada Parlamentar.
Hafoin enkontru, Prezidente Komisaun B trata asuntu Negosiu Estranjeiru, Defeza no Seguransa, David Dias Ximenes ba jornalista sira hateten, durante enkontru ne’e koalia sobre situasaun iha rai laran oinsa maka parte seguransa bele garantia paz no estabilidade iha rai laran.
“Ohin, (horseik-red) ami koalia koanaba situasaun atual, Forsa Armadas sira limita sira nia an katak sira nia papel aktaulmente ne’e sei kona deit konaba defeza do pais kontra agresoens estranjeiras, ne’ebé sira nai papel ne’e sira observa kuandu husu maka sira apoia deit PNTL,”Prezidente Komisaun B, David Dias Ximenes ba jornalista sira iha sala komisaun B PN, hafoin partisipa iha enkontru entre komando F-FDTL no PNTL.
Prezidente komisaun B ne’e haktuir katak, iha enkontru ne’e Jeneral, Lere Anan Timur maka hateten katak, kuandu ema liu husi Grupo Arte Marsiais (GAM) ba halo tiha juramentu iha Indonesia fila fali mai kria problema, inklui mós konaba remodelasaun ne’ebé maka Primeiru Ministu (PM), Kay Rala Xanana Gusmão sei halo ba membru Governu sira iha fulan Fevereiru iha tinan ne’e mak problema mos akontese.
“Jeneral, Lere maka ohin koalia oituan dehan katak haree ba fali sitiuasaun ne’e hanesan kuandu ema ba tiha halo juramentu iha Indonesia fila fali mai maka problema sira ne’e mosu I depois buat ida remodelasoens ne’e,”deputadu ne’e haktuir tenik.
Tamba ne’e iha diskusaun afirma tenki fo atensaun ba fenomena ne’e atu nune’e desizaun husi Governu atu halo buat ruma ba interese povu nian bele la’o diak.
Durante diskusaun, husi PNTL maka koalia barak sobre oinsa maka bele garantia paz no estabilidade iha rai laran.
Konaba operasaun iha rai laran liu-liu iha bairo-bairo ne’ebé maka sai hanesan fatin konflitu, polisia sei halo esforsus an hodi halo operasaun maske iha difikuldades barak.
Polisia mós konsidera katak espasu ba kriminozu sira maka sai hanesan lakunas hodi fo espasu ba ema hodi halo violensia tamba ne’e polisia sei antisipadamente priense espasu sira ne’e nune’e labele fo fatin ba joven sira kria instabilidade.
“Polisia ne’e reativu deit maibe la’os proativu tamba ne’e maka ita fo espasu ema aproveita entaun iha ne’e espasu ne’e ita bolu dehan lakunas ne’ebé polisia tenki antisipadamente priense para ema seluk labele aproveita,”dehan nia.
Nia dehan, polisia sei halo operasaun makas liu tan iha bairo-bairo hodi nune’e bele garantia paz no estabilidade tamba durante ne’e menus operasaun ka prezensa polisia nian iha sosiedade maka menus nune’e fo espasu ba joven sira kria problema.dgx
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template