Headlines News :
Home » , , , » Ramos Horta: Luta Diplomátika La’o Ladi’ak TL Seidauk Independénsia

Ramos Horta: Luta Diplomátika La’o Ladi’ak TL Seidauk Independénsia

Written By Timor News Online on 1/20/2015 | 7:30 AM



Eis Prezidenti da Repúblika, José Ramos Horta hatete katak, kuandu luta diplomatika iha momentu ne’ebé la’o ladiak, ohin loron Timor Leste seidauk hetan ninia independensia.
“Kuandu luta diplomatiku ne’e la’o la diak, povu bele mate iha Timor mós, lahetan solusaun. Bele luta armada no politika klandestina la’o to’o ohin 2015 mós, seidauk bele independensia,”dehan Ramos Horta iha nia diskursu ba selebrasaun loron manifestasaun ne’ebé joven Timor-oan sira halo iha tinan 1990, iha Hotel Turismu (agora Novu Turismu) Lecidere Sabadu (18/01).
Ramos Horta fó ezemplu katak, hanesan Palestina ohin loron, sira luta tinan 60 ona, maibé to’o ohin loron la hetan Estadu Palestina, tanba diplomasia la’o sala.
“Orsida lokraik hau atu sai ba liur, kontinua mandate ne’ebé Sekertariu Jeral ONU fó ba hau, kaer misaun ida auto nivel, para reforma forsa dapaz, misoens politikas Nasoens Unidas nian,”katak Horta.
Nia haktuir, lider rejistensia sira nia mehi maka ne’e nasaun ne’e hetan. iha 20015 Timor Leste sei selebra tinan 500, historia Portugal ho Timor Leste.
Nasaun ne’e ninia identidade no ninia personalidade i kultura interesante tebes. Ramos Horta dehan, nia laran haksolok no orgulhu tebes ho eventu ne’e.
“Ami hahu ho Xavier do Amaral, Nicolau Lobato, Mari Alkatiri no sira lubuk ida ne’ebé mate tiha ona, iha Comite Central Fretilin nian, mehi buat ne’ebé hanesan imposivel, antes 1974,”dehan Horta.
Luta diplomatika sei laiha susesu, no sei laiha rejistensia politika no pasifika, i buat hotu ne’ebé joven sira halo. Joven sira nabem iha zona okupadu iha Dili, no sira iha rai liur, hemu inspirasaun husi sira iha ailaran ho kilat iha sira nia liman.
“Maibé mehi ida ne’e, sakrifisiu bo’ot tebes. Kuandu hau hare historia manifestasaun ida ne’e, no manifestasaun Santa Cruz, iha ligasaun ne’ebé metin los, entre luta politika iha Dili, luta armada ho luta diplomatika,”esklarese Horta.
Buat tolu ne’e tenki la’o hanesan, luta diplomatika mós sei lala’o kuandu laiha luta iha rai laran.
Nia esklarese, Mario Karas Kalau nia kontribuisaun mós makas tebes, tanba nia salva ema lubuk ida. Mario Karas Kalau Primeiru Ministru Xanana maka husu ba nia katak, favor konvense Indonesia sira, para labele lansa lai ofensida militar iha 1983, hodi fó tempu ba nia (Xanana) atu organiza rejistensia.
Entaun Mario Karas Kalau maka bobar tun sa’e hodi konvense sira atu lansa ofensida ne’e. ida ne’e kontribuisaun ida ne’ebé historia tenki rejista duni.
Nia dehan, iha rai liur mós nia sei reja nafatin ba aman maromak, atu tulun nafatin nai ulun Timor Leste no povu tomak atu moris hakmatek iha rai doben ida ne’e.
Mehi Iha Tempu Funu Sai Realidade
Alende ne’e, Ramos Horta mós afirma katak, Jorge Serano nia mehi iha tempu funu nian, ohin loron sai realidade.
“Jorge Serano nia historia iha ne’e, uluk nia mehi iha tinan rua nulu resin liu tiha, nia maka hanesan sosa hotel Turismu ne’e hodi halo rehavilitasaun, ho investementu ninian 100%,”haktuir Horta.
Eis Prezidente da Republika ne’e dehan, nia maka sosa hotel ne’e no halo rehabilitasaun, i Timor-oan 400 maka servisu ba nia emprezas iha Timor laran ne’e.
Jorge Serano la tau osan iha rai liur, nia halo deit investementu iha Timor laran ne’e, maibé susesu hodi emprega Timor-oan barak.
“Iha tinan 1990, nia mehi katak, loron ruma atu sosa tiha hotel ida ne’e,”informa Horta hodi haktuir tan katak, agora dadauk nia maka sosa duni hotel ne’e hodi rehabilita sai diak ona.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template