Headlines News :
Home » , , , , , , , » Rezolusan Atuasaun GAM Invalidu Ona

Rezolusan Atuasaun GAM Invalidu Ona

Written By Timor News Online on 1/15/2015 | 3:03 AM



Rezolusaun atuasaun ba Grupu Artemarsiais (GAM) invalidu ona, tanba rezulusaun ne’e vale ba tinan ida deit.
“Kona-ba rezolusaun ne’ebe iha tinan liu ba kotuk, rezolusaun ne’e ami lori no aprezenta sira dehan katak, rezolusaun ne’e ita halo deit ba tinan ida, entaun nia data ne’e la vale ona atu bele uza ida ne’e hodi kondena ema sira ne’e. Tanba ne’e maka ita bot sira hatene ema sira barak maka ba iha ne’eba,” Segundu Komandante Geral PNTL Komisario Afonso de Jesus hateten ba Jornalista iha Kuartel Geral PNTL Dili, Kuarta (14/01/2015).
               Maske Afonso de Jesus foti kestaun ne’e, maibe atu klaru liu, klaru Ministerio Publiko maka bele hatene.
“Ita espera katak, ho esforsu ita hotu nian ita bele hare kona-ba membrus individual organijasaun nian ne’ebe maka ba iha Atambua hodi halo juramentu ita tenki foti medidas seriu regorozu para nune’e prevene labele akontese ba futuru,”tenik Afonso de Jesus.
Polisia Nasional Timor Leste (PNTL) kumpri orientasaun Ministru Defesa Seguransa aktual Primeiru Ministru Kay Rala Xanana Gusmão hodi halo juramentu segundu faze ba bandeira RDTL no bandeira institusuan atu nune’e bele membru PNTL la bele mete tan grupu arte marsiais.
“Hanesan Komando mos hanesan konsidera orientasaun nai ulun ne’ebe maka hato tiha ona, ita tenki halo tuir hodi halo juramentu iha segundu faze,”ha ktuir Afonso de Jesus.
Afonso de Jesus esplika, hanesan ema hotu-hotu nia observasaun ba juramentu ne’ebe maka halao husi PNTL nomos F-FDTL iha Segunda (13/01). Afonsode dehan, Primeiru Ministru fo hatene ona katak,   juramentu ne’e halao ba dala uluk, segndu faze tuir mai sei hare fali membrus PNTL ne’ebe maka seidauk partsipa iha juramentu atu bele tuir fali juramentu.
Afonso dehan, komando hare no organiza hela ba membrus sira ne’ebe maka seidauk halo juramentu para bele partisipa hanesan iha juramentune’ebe maka lidera dereitamente Primeiru Ministru.
Kona-ba kauntidade husi efetivus ne’ebe maka sei tuir juramentu segundu faze, Afonso de Jesus responde, juramentu segundu faze mai ne’e membru Polisia oituan deit maka sei partisipa, tanba barak maka partispa tiha ona.
“Tuir   numeru ne’ebe maka Komando dignifika total membrus hamutuk 174, maibe horseik (horbainrua) membrus 100 resin maka tuir ona juramentu, ne’ebe hau hanoin sira sei hola parte mos iha juramentu hanesan,” tenik Afonso de Jesus.
Ba afetivus ne’ebe maka karik la tuir juramentu tanba okupadu ho servisu, Afonso de Jesus hatan, komando PNTL sei identifika sira ne’ebe maka ho servisu no sira ne’ebe maka la halo servisu, ne’ebe la iha situasuan ruma maka impede membrus sira atu tuir juramentu.
“Hanesan bai-bain hau hateten ona ba ita bot sira katak, ami nia matan tilun maka ita bot sira, tantu hahu husi ita bot sira Jornalista, ita bot sira maka tenki hare aprezenta buat ruma ne’ebe maka ho fundamentu ho baze legal, hare duni ho matan aprezenta mai Komando, komando la tolera, komando tenki liu husi prosesu foti sira dimisaun.,”afirma Afonso de Jesus.
Oinsa maka PNTL bele taka dalan ba GAM ne’ebe maka ba sae sabuk iha Atambua, liu husi fronteira Batugade, Afonso de Jesus hatan, wainhira kualia ba fronteira ne luan teb-tebes, maske nasaun ne’e bele ki’ik, maibe rai ne’e luan teb-tebes, mais PNTL iha postu 29 maka iha lina fronteira entaun sira labele kobre fatin sira ne’e hotu.
Afonso de Jesus dehan, sidadaun Timor oan hotu-hotu tenki iha konsensia katak, Timor Leste iha nia simblo no imblema rasik, ne’e duni ema hotu tenki hakruk ba imblema sira ne’e. Ba sira ne’ebe maka ba sae sabuk iha ne’ebe Polisia iha dever no obrigasaun kaer prosesu depois lori ba iha Ministerio Publiko. nax
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template