Headlines News :
Home » , , , , » TL Apoia Humanitaria Ba Malaysia Ho Thailandia

TL Apoia Humanitaria Ba Malaysia Ho Thailandia

Written By Timor News Online on 1/15/2015 | 2:29 AM



Governu Timor-Leste, Kuarta (14/1), fo apoia humanitaria ba Governu Malaysia hamutuk US$ 1 miliaun no Governu Thailandia hamutuk U$ 500.000, relasiona ho Dezastre naturais hodi hamosu inundasaun iha tempu Natal 2014 no tinan foun 2015.
Sekretariu Estadu Asuntu Association of South East Asia Nation (ASEAN), Roberto Soares, ba jornalista sira iha salaun konferensia, Ministeriu Negosiu Estranjeiru no Kooperasaun (MNEK), Praia dos Coqueiros Dili, hatete, semana hirak liu ba bainhira selebra natal ne’e, maluk komunidade sira hamutuk rihun atus rua resin husi nasaun Malaysia hanesan provinsia, Perlis, Perak, Kelantan, Trenganu no Pahand kona dezastre naturais, nune’e mos husi Thailandia nian ne’ebe hela besik fronteira Malaysia afeta dezastre naturais refere hodi halo sira muda sai husi hela fatin ba fatin seluk, ne’e mak TL fo apoiu ne’e.
Ho situasaun tristeza ne’e, maske TL seidauk sai membru permanente iha ASEAN maibe semana kotuk liu ba, Primeiru Ministru, Kay Rala Xanana Gusmão halao konsellu Ministru extraordinariu hodi diskuti saida mak Timor-Leste bele fo tulun no manifesta vertude solidariedade povu Timorense nian ba belun sira iha Malaysia no Thailandia ne’ebe afetadu ba inundasaun ne’e.
“Iha inkontru konsellu Ministru ne’e deside duni ita fo apoiu ba Malaysia hamutuk US$ 1 miliaun no ba Thailandia hamutuk U$ 500.000. No ohin (horseik) ita entrega ona osan ne’e ba embaixador rai rua nian iha Timor-Leste,”hatete Roberto.
Roberto afirma, Governu Timor-Leste, elojia lideransa Malaysia no Thailandia iha situasaun difisil ne’e. infelizmente, nia dehan, iha mos relatariu ida katak insidente infeliz ida akontese ne’ebe ema ualu mate ka lakon sira nia vida moris tanba mout ho Ro bainhira sira tenta atu salva ema seluk. Sira nia barani hatudu ona ba mundu katak dezastre sei nunka halakon sira nia espritu, korajen, koezaun, rezilensia no auto sakrifisiu husi belun doben sira Malaysia no Thailandia.
“Ha’u lori Governu Timor-Leste nia naran, hato’o simapatia klean no solidaredade ba Governu no povu Malaysia ho Thailandia. Ha’u fiar katak ho lideransa husi Governu rai rua nian, sira sei ultrapasa kalamidade natural ida ne’e,”dehan Roberto tam.
Iha oportunidade ne’e, Embaixador Malaysia ba Timor-Leste (TL) Tajul Aman Muhamad no Embaixador Thailandia ba TL, Chusak Kulvathhdhanaporn, lori Governu no povu rai rua nian hato’o agredese wain ba Governu Timor-Leste ne’ebe lidera husi Primeiru Ministru, Kay Rala Xanana Gusmão, ne’ebé laran luak fo apoiu humanitariu ba povu sira ne’ebe afeta dezastre naturais ne’e.Nev
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template