Headlines News :
Home » , , , » Veteranus Lakon Ona Nasionalismu

Veteranus Lakon Ona Nasionalismu

Written By Timor News Online on 1/15/2015 | 2:34 AM



Primeiru Ministru (PM) Kay Rala Xanana Gusmão hatete katak, veteranus sira agora lakon ona sira nia nasionalismu ba rai doben ida ne’e, tanba maske Estadu fó ona osan oituan ba sira, maibé sira kontinua ejiji sira nia kolen ba Estadu.
Xefi Governu ne’e haktuir katak, veteranus rihun atus rua resin ne’ebé fó ona sira nia vida ba rai ida ne’e. Maske ohin loron sira nia ruin namkari iha Timor laran tomak, maibé, sira nunka ejiji buat ida iha tempu luta nia laran.
“Iha tinan 24, ema liu rihun atus rua mate la husu buat ida, maibé ohin loron veteranus sira husu buat hotu. Sira haluha tiha katak, barak ne’ebé ohin loron ita la buka, no la temi, sira fó an ba rai ida ne’e, ohin loron ita simu osan oituan, ita lakon tiha ita nia espíritu no lakon tiha ita nia nasionalismu,”hateten PM Xanana iha Palácio Governu, Tersa feira, (13/01).
Xanana haktuir katak, dalaruma polítiku sira temi katak, nasionalismu, maibé iha ibun tutun deit. Hahalok ne’e, aat liu fali buat seluk.
“Funu durante tinan 24 nia laran, Timor-oan maka halo funu mesak, maibé ohin loron uku- an ona, ida-idak mai hodi habosok tu’un sa’e povu ida ne’e”, dehan Xanana.
Xanana hatutan katak, mundu la’os Santo no mundu nia polítika mós fo’er barak. Rai bo’ot sira exporta sira nia polítika ba rai barak, hanesan mós mai Timor Leste (TL). Tanba ne’e, kuandu laiha Estadu, maka sei laiha sentidu soberania no laiha hanoin atu defende rai ida ne’e to’o mate.
Maibé Timor-oan hotu nia matenek maka ne’e, nia monu dala ida, lakohi atu monu bei-beik. Iha fatin seluk hanesan ne’e nafatin tinan ba tinan.
Tanba ne’e, Xanana dehan, Timor-oan hotu tenki orgolhu katak, Estadu Timor Leste (TL) monta instituisoens ne’ebé di’ak.
Xefi Governu ne’e haktuir katak, tenki ejiji bei-beik ba membru Governu, polítikus, intelektuais no sosiadade tomak atu tane nasaun foun ida ne’e.tap
Source: Diairu JN
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template