Headlines News :
Home » , , , , , , , , , » Bloku Koligasaun Monu, Lu Olo: “Xanana Mak Hili Rui Araujo Laos Fretilin”

Bloku Koligasaun Monu, Lu Olo: “Xanana Mak Hili Rui Araujo Laos Fretilin”

Written By Timor News Online on 2/10/2015 | 2:52 AM



DILI – Governu Bloku Koligasaun ne’ebe lidera hosi Primeiru Ministru Xanana Gusmao monu ona no Primeiru Ministru Sesante rasik antes ne’e hatudu ona Rui Maria de Araujo hosi Partidu Fretilin, atu asumi kanar hanesan Primeiru Ministru.
Tuir Prezidente Partidu Fretilin, Fransisco Guteres “Lu Olo”, ba jornalista sira iha Palacio Prezidensial Nicolao Lobato Aitarak Laran, Tersa (10/02) hafoin remata enkontru ho Prezidente Republika Taur Matan Ruak hatete Fretilin laiha kompetensia atu hili Rui Maria de Araujo sai hanesan Primeiru Ministru maibe Xanana Gusmao Rasik maka hili.
Hau atu hatete katak ne’e (Rui Maria de Araujo) nia (Xanana Gusmao) mak hili nia kandidatu laos Fretilin mak hili no ate a data Fretilin laiha hanoin atu hili nia kandidatu no se maka bele hili nia kandidatu maka Partidu mais votadu maka CNRT, tanba ne’e CNRT maka tenke hili porque bloku koligasaun monu ona ho Primeiru Ministru Xanana Gusmao ne’ebe maka nia demisaun aseita ona hosi Prezidente da Republika, hatete Lu Olo.
Prezidente Partidu Fretilin ne’e mos hatutan Fretilin kontinua respeita partidu CNRT tanba iha tinan lima nia laran povu fo fiar ona ba CNRT, tanba ne’e hakarak ka lakohi CNRT maka tenke hili kandidatura ba Primeiru Ministru hodi troka Xanana nia fatin.
Iha fatin hanesan Sekretariu Jeral Partidu CNRT, Dionisio Babo, hatete sira rasik halo ona inkontru ho Prezidente Republika hodi fo opiniaun, no hein deit desizaun hosi Prezidente Republika Taur Matan Ruak. Informasaun kompletu iha STL Jornal no STL Web, edisaun Kuarta (11/2/2015). Thomas Sanches
Share on :

0 Comentarius:

Speak up your mind

Tell us what you're thinking... !

SPONSOR

Hare'e Ami Nia Sponsor

Sponsor

Hare'e Ami Nia Sponsor

 
Support : Creating Website | Timor Free | Timor Free
Proudly powered by Blogger
Copyright © 2014. Opini Timor - All Rights Reserved
Template Design by Creating Website Published by Mas Template Download This Free Blogger Template